Дар Русия лоиҳаи нави Кодекси ҳуқуқвайронкунии маъмурӣ таҳия шудааст, ки дар сурати мавриди амал қарор гирифтани он метавонанд муҳоҷиронеро, ки дар ҳолати мастӣ мошин меронанд аз қаламрави ин кишвар ихроҷ кунанд. Ҳамчунин ин муҳоҷироне, ки низ даст ба ҷинояти фасодкорӣ мезананд ба чунин сарнавишт гирифтор мешаванд.
Дар ин бора хабаргузории ТАСС ба истинод ба маълумоти Вазорати умури дохилии Русия хабар медиҳад.
Вазорати умури дохилии ин кишвар пешниҳод кардааст, ки шаҳрвандони хориҷӣ ба ҷузъ масъулият дар чаҳорчӯби ҷавобгарии маъмурӣ дар бахши муҳоҷират, инчунин барои содир кардани дигар ҳуқуқвайронкуниҳои маъмурӣ аз қаламрави Русия ихроҷ карда шаванд.
Дар тарҳи нави Кодекси ҳуқуқвайронкунии маъмури Русия ҳамакнун муҳоҷироне, ки дар ҳолати мастӣ қоидаи ҳаракат дар роҳро вайрон мекунанд ва даст ба фасодкорӣ мезананд, тасим ҳаст аз қаламрави ин кишвар ихроҷ ё худ депорт мешаванд.
Вазорати умури дохилии Русия дар тарҳи мукаммали қонун механизмҳои нави назорати будубоши муҳоҷирон дар қаламрави ин кишварро пешниҳод карда, ҷавобгарии маъмурӣ ва ихроҷи маъмуриро дар як мафҳуми “ихроҷ аз Русия” муттаҳид кардааст. Кодекси нав аз сӯйи Вазорати адлияи Русия таҳия шуда, гуфта мешавад баъзе унсурҳои ҳуқуқвайронкунии маъмурӣ дар самти муҳоҷират таҷдиди назар карда мешавад.
Унсурҳои ҳуқуқвайронкунии маъмурӣ дар кодекси нав дар банди “дағалона” муттаҳид мешавад.
Ба ин банди қонун ҳуқуқвайронкуниҳои маъмурии дорои хусусияти экстремистӣ-террористӣ, коррупсионӣ, қочоқи силоҳ, гардиши ғайриқонунии маводи мухаддир, вайрон кардани бехатарии ҷамъиятӣ ё тартиботи ҳуқуқӣ дар ҷойҳои ҷамъиятӣ, дар соҳаи бехатарии ҳаракат дар роҳ ҳуқуқвайронкуниҳои дар ҳолати мастӣ содиршуда ё саркашии ронандагони воситаи нақлиёт аз муоинаи тиббӣ ворид шудааст.
Инчунин гуфта мешавад шаҳрвандони хориҷие, ки дар пайи ҳуқуқвайронунии маъмурӣ ихроҷ мешаванд, аз ҳуқуқҳои махсуси доштаашон дар Русия маҳрум карда мешаванд.
Ба иттилои расонаҳои русӣ сар аз 1-уми январи соли 2022 ихроҷи муҳоҷироне, ки бо корҳои ғайриқонунӣ машғуланд аз қаламрави Русия шуруъ шудааст. Аз корфармоёни рус барои ба кор қабул кардани чунин нафарон ба маблағи то 800 ҳазор рубл ҷарима ситонида мешавад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста