Намояндаи доимии Ташкилоти Оқохон дар умури рушд (АKDN) дар Тоҷикистон Қозидавлат Қоимдодов бо Сафири навтаъйини Фавқулода ва Мухтори Канада дар Ҷумҳурии Тоҷикистон ҷаноби Алан Ҳамсон мулоқот намуд. Ин мулоқот дар дафтари АKDN баргузор шуд.
Дар мулоқот масоили кунунӣ ва дурнамои рушди ҳамкориҳои Ташкилоти Оқохон оид ба рушд (АKDN) ва Канада дар бахшҳои рушди манотиқи дурдаст, соҳаи аграрӣ, маориф, тандурустӣ, кумаки башардӯстона, муҳити зист ва тағйирёбии иқлим ва дигар мавзуҳои марбут ба масъалаҳои рушд баррасӣ шуданд.
Ба гуфтаи ҷонибҳо, фазои дӯстӣ ва ҳусни тафоҳум омили асосии рушди ҳамгироии дуҷониба мебошад.
Дар ин дидор ҳамчунин зикр гардид, ки Ҳукумати Канада Ташкилоти Оқохон ва хадамотҳои онро ҳамчун шарики боэътимод эътироф намуда, таҷрибаи ғанӣ ва фаъолияти дарозмуддати барномаҳои онро ҷиҳати беҳтар намудани сифати зиндагии мардум мусбат арзёбӣ менамояд.
Дар охир ҷонибҳо омодагӣ ва ҳавасмандии худро барои ҳамкориҳои мутақобилан судманд ва ҷиҳати беҳтар намудани сатҳи некӯаҳволии мардуми тоҷик изҳор намуданд.
Ташкилоти Оқохон оид ба рушд (AKDN) ва агентиҳои он ба тақвият ва беҳтар кардани сифати зиндагии мардум дар кишварҳои рӯ ба тараққӣ тамаркуз мекунанд. Ҳадафи барномаҳои AKDN ин баланд бародштани сатҳи некӯаҳволии ҳамаи мардум, новобаста аз нажод, миллат ва дин мебошанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста