Аз ҳафтаи оянда, 2 май ширкати ҳавопаймоии “Сомон Эйр” шумори парвозҳоро бо хатсайри Душанбе-Алмато ва бозпас аз он ҷо зиёд карда, акнун дар як ҳафта ба ин самт ду парвоз анҷом медиҳад.
Тавре ки хадамоти матбуоти ширкат хабар медиҳад, парвозҳо рӯзҳои душанбе ва чоршанбе иҷро карда мешаванд.
“Рӯзҳои душанбе вақти парвоз аз Душанбе - соати 11:30, аз Алмато ба Душанбе - соати 15:35; рӯзҳои чоршанбе вақти парвоз аз Душанбе - соати 10:00 ва аз Алмато - соати 14:00 ба вақти маҳаллӣ”, - зикр мешавад дар хабари ширкат.
Гуфта мешавад, барои парвоз ба Алмато мусофирон бояд маълумотнома (справка)-и ПСР-тестро бо натиҷаи манфии сироят аз COVID-19 (амалкунанда дар давоми 3 шабонарӯз аз замони гирифтани тест то расидан ба Қазоқистон) бо забони русӣ ё англисӣ пешниҳод намоянд. Барои кӯдакони синни то 5-сола маълумотнома талаб намешавад.
“Дар самти бозпас аз он ҷо ба мусофирони хатсайрҳои “Сомон Эйр” пешниҳод кардани гувоҳномаи пурра ё қисман гузаштан аз ваксингирӣ зидди коронавирус кофист. Агар чунин гувоҳнома набошад, мусофирон бояд маълумотнома (справка)-и тести ПСР бо натиҷаи манфӣ аз COVID-19-ро, ки на дертар аз 72 соат то расидан ба Тоҷикистон дода шудааст, пешниҳод намоянд. Барои кӯдакони синни то 5-сола маълумотнома талаб намешавад”, - хабар медиҳад ширкат.
Дар сомонаи расмии ширкати “Сомон Эйр” арзиши билет ба хатсайри Душанбе-Алмато дар рӯзи 2 май 192 евро (2 ҳазору 558 сомонӣ) ва Алмато-Душанбе - 66 евро (879 сомонӣ) зикр шудааст.
Қобили зикр аст, ки то ин дам ҳар ҳафта ширкатҳои “Сомон Эйр” рӯзи чоршанбе ва “Air Astana” - рӯзи якшанбе бо хатсайри Душанбе-Алмато-Душанбе 1-парвозӣ анҷом медоданд.
Ёдрас мекунем, ки тибқи маълумоти Агентии авиатсияи гражданӣ, чанде пеш инчунин шумори парвозҳо бо хатсайрҳои Душанбе-Дубай-Душанбе, Душанбе-Истанбул-Душанбе, Душанбе-Тошканд-Душанбе ва Душанбе - шаҳрҳои гуногуни Русия зиёд карда шуд.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста