Мақомоти ҳукумати Исфара мегӯянд, ҳар он чи барои парастории чаҳоргоникҳо Фотима, Зӯҳро, Аниса ва Мӯниса лозим аст, муҳайё месозанд ва алакай қисме аз кумакҳоро ба пайвандонаш расонидаанд.
Рӯзи 10-уми июн Мавзуна Сангинова, сокини 27-солаи ҷамоати Чоркӯҳ дар таваллудхонаи шаҳри Хуҷанд чоргоник таваллуд кард ва пизишкон гуфтанд, навзодон ҳама духтарча буда, бо усули буриши қайсарӣ ба дунё омадаанд.
Мадина Бобоиён, муовини раиси шаҳри Исфара дар суҳбат ба “Азия-Плюс” гуфт, рӯзи 22-уми июн ба аёдати чаҳоргоникҳо ба таваллудхонаи шаҳри Хуҷанд омадаанд ва ба модарашон шаҳодатномаи таваллуд, як миқдор маблағи пулӣ ва тӯҳфаҳо ҳадя карданд. Ӯ гуфт, ҳангоми аз беморхона рухсат шудан ҳукумати Исфара навзодон ва хонаводаи ӯро зери назорат мегирад ва боз кӯмакҳо мерасонанд.
“Пас аз ба хона рухсат шудан, мо як нафар ҳамшираи тиб ва намояндаи хизматрасониро пурра барои нигоҳубини кӯдакон дар хона вобаста мекунем. Бинобар сабабе, ки инҳо чоргоник ҳастанд, шояд шири модар намерасад, аз ин рӯ, мо як гови ширдеҳ тақдим мекунем ва шароити хонаашонро боз дида мебароем. Бо пайвандони ин модар сӯҳбат кардем ва минбаъд низ аз ҷониби ҳукумати Исфара зери назорат мегирем”, - гуфт Мадина Бобоиён.
Гуфта мешавад, хонаводаи Мавзуна Сангинова зиндагии миёнаҳолона доранд ва шавҳараш дар муҳоҷирати меҳнатӣ мебошад. Бобоева афзуд, онҳо барои зисту зиндагонӣ ва нигоҳубини навзодон хона доранд, вале масъулини ҷамоати Чоркӯҳро вазифадор кардаанд, ки то аз беморхона рухсат шудани модару кӯдак манзили онҳоро пурра аз назар гузаронанд.
Ба иттилои Расати тандурустии Суғд, Мавзуна Сангинова нахустин модар аст, ки дар соли ҷорӣ дар вилоят чаҳоргоник ба дунё овард. Пайвандонаш ба навзодон Фотима, Зӯҳро, Аниса ва Мӯниса ном гузоштаанд, ки ба гуфти табибон онҳо бо вазни мутаносибан 1,6 кг, 1,8 кг, 1,38 кг ва 1,18 кг ба дунё омаданд.
Дар зоишгоҳи шаҳри Хуҷанд давоми имсол 1833 тифл ба дунё омадааст, ки назар ба ҳамин давраи соли гузашта 204 нафар зиёд аст.
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Кулли ахбор
Авторизуйтесь, пожалуйста