Дар вилояти Суғд давоми як соли гузашта 35 ташкилоти ҷамъиятӣ барҳам хӯрдаанд. Ин шумораи ташкилоти ҷамъиятии барҳамхӯрда нисбат ба соли 2021-ум 8 адад зиёд аст. Дар ин бора Насрулло Солеҳзода, муовини сардори Раёсати адлияи вилояти Суғд, зимни нишасти матбуотӣ, иттилоъ дод.
Ба гуфтаи ӯ, сабабҳои асосии ин барҳамхӯрӣ фавти роҳбарони ташкилоти ҷамъиятӣ, адами сармоягузор ва ба муҳоҷирати меҳнатӣ рафтани роҳбарони ташкилоти ҷамъиятӣ мебошад.
“Ин 35 ташкилоти ҷамъиятӣ бо қарори раҳбаронашон барҳам дода шудаанд. Дар давоми се соли охир ягон ҳолати тариқи суд барҳам хӯрдани ташкилоти ҷамъиятӣ ба қайд гирифта нашудааст”, - гуфт Солеҳзода.
Насрулло Солеҳзода аз се ташиклоти ҷамъиятии барҳамхӯрда - “Пайванди дилҳо”-и шаҳри Панҷакент, Ассотсиатсияи истифодабарандагони оби “Дарё”-и ноҳияи Ашт ва “Федератсияи фитнес ва бодибилдинги вилояти Суғд”-и шаҳри Хуҷанд ном бурд.
Таврӯ ӯ зикр кард, ташкилоти ҷамъиятии “Пайванди дилҳо”-и шаҳри Панҷакент, ки ҳадафаш дастгирии ҷавонони имконияти маҳдуд буд, аз сабаби наёфтани сармоягузор фаъолияташро қатъ кардааст.
“Аз сабаби ба муҳоҷирати меҳнатӣ рафтани роҳбари ташкилот Набӣ Турсунов - Ассотсиатсияи истифодабарандагони оби “Дарё”-и ноҳияи Ашт фаъолияташро барҳам дод”, - гуфт номбурда.
Инчунин, роҳбари ташкилоти ҷамъиятии “Федератсияи фитнес ва бодибилдинги вилояти Суғд”-и шаҳри Хуҷанд барҳам хӯрдааст. Ҳадафи ташкилот, ки рушд ва сайқал додани намудҳои варзиши бодибилдинг дар вилояти Суғд буда, роҳбараш - Мунир Асатуллоев баъди наомадани тамрингарон ба варзишгоҳ ташкилоташро барҳам додааст.
Бояд гуфт, ки дар вилояти Суғд аз соли 2007 то имрӯз 761 адад ташкилоти ҷамъиятӣ ба қайд гирифта шуда, аз ин шумора 331 адад барҳам дода шудааст.
Дар тамоми Тоҷикистон бошад, тибқи иттилои Асадулло Ҳакимзода, муовини вазири адлия, соли 2022 қариб 500 ташкилоти ҷамъиятӣ барҳам дода шудаанд, ки ин нисбат ба соли 2021-ум беш аз 350 адад зиёд мебошад: соли 2021 фаъолияти 138 ташкилоти ҷамъиятӣ қатъ гардида буд.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста