Мақомоти вилояти Суғд шахсияти 8 ҷавоне, ки аз ин минтақа ба кишварҳои хориҷӣ рафта, таҳсилоти динӣ гирифтаанд ва айни ҳол дар муноқишаҳои мусаллаҳонаи давлатҳои дигар иштирок доранд, муайян кардааст. 6 нафари онҳо аз шаҳри Исфара ва 2 нафари дигар аз ноҳияи Мастҷоҳ будаанд.
Дар ин бора Сӯҳроб Рустамзода, сардори шӯъбаи дин, танзими анъана ва ҷашну маросими ҳукумати вилояти Суғд дар нишасти матбуотӣ хабар дод.
Ӯ аз ироаи маълумоти бештар дар барои макони муноқишаҳои иштирокдоштаи ин донишҷӯён худдорӣ кард.
Ҳамчунин, ба иттилои Сӯҳроб Рустамзода 36 донишҷӯи дигар аз вилояти Суғд бо гумони таҳсили ғайриқонунии динӣ ва эҳтимоли иштирок дар низоъҳои мусаллаҳонаи давлатҳои дигар мавриди пайгард қарор доштаанд.
Дар ин рӯйхат ҷавонон аз шаҳрҳои Истаравшан ва Хуҷанд бештар аз ҳама будаанд:
- Истаравшан - 14 нафар;
- Хуҷанд - 8 нафар;
- Исфара - 3 нафар;
- Панҷакент - 3 нафар;
- Ашт - 2 нафар;
- Мастчоҳ - 2 нафар;
- Ҷаббор Расулов - 2 нафар;
- Бобоҷон Ғафуров - 1 нафар;
- Конибодом - 1 нафар.
Дар умум, соли 2022 аз ҷониби мақомоти салоҳиятдори вилояти Суғд аз 722 нафар шаҳрвандоне, ки дар хориҷа бидуни розигии мақомоти ваколатдори давлатӣ оид ба дин таълими динӣ мегирифтанд, 703 нафарашон ба ватан баргардонида шудаанд.
Гуфтан ба маврид аст, ки масъалаи ифротгароӣ давоми чанд соли ахир дар Тоҷикистон аз мавзуъҳои доғ аст, бахусус, баъди пайвастани наздик ба 2 ҳазор нафар ба сафи гурӯҳи тундрави “Давлати исломӣ” (дар Тоҷикистон мамнӯъ). Дар дохили кишвар ҳам даҳҳо нафар бо ин ҷурм паси панҷара рафтанд.
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Кулли ахбор
Авторизуйтесь, пожалуйста