Бо қарори раёсати фарҳанги вилояти Суғд Мактаби бачагонаи мусиқии ноҳияи Деваштич, ки дар маркази ноҳия - шаҳраки Ғончӣ ҷойгир аст, ба ифтихори рӯзи зодрӯзаш ба номи Дамирбек Олимов, овозхони шинохтаи тоҷик гузошта шуд. Дар ин бора Бобоҷон Зокиров, яке аз пайвандони овозхон ба “Asia-Plus” хабар дод.
Ба гуфтаи ӯ, маросими расмии бозкушоӣ ва номгузории ин мактаби бачагонаи мусиқӣ бо ширкати намояндагони фарҳанг аз вилоят ва ҷумҳурӣ ба зудӣ баргузор хоҳад шуд.
"Дархости Маҷлиси вакилони халқи ноҳияи Деваштич аз 8-уми сентябри соли 2022 таҳти рақами 794 "Дар бораи номгузорӣ намудани Мактаби санъати бачагонаи ноҳияи Деваштич ба номи Дамирбек Олимов" дар Маҷлиси вакилони халқи вилоят тасдиқ гардид", - гуфт Бобоҷон Зокиров.
Қаблан Бобоҷон Зокиров ба “Asia-Plus” хабар дода буд, ки пешниҳоди мазкур барои тасдиқ ба Маҷлиси вакилони ноҳияи Деваштич ирсол гардидааст.
Ёдовар мешавем, ки овозхони маъруфи тоҷик Дамирбек Олимов шаби 5-уми феврали соли сипаришуда бар асари садамаи нақлиётӣ аз олам даргузашт.
Ҷасади Дамирбек Олимовро зуҳри ҳамон рӯз дар оромгоҳи Абӯбакри Сиддиқи ноҳияи Деваштич ба хок супориданд. Марҳум 33 сол дошт ва аз сарояндагони соҳибистеъдоди рӯз ба ҳисоб мерафт.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста