Дар баъзе кӯчаву маҳаллаҳои шаҳри Душанбе аз соати 23:00-и 29-уми апрел то соати 23:00-и 30-юми апрел оби ошомиданӣ қатъ мегардад. 

Дар ин бора шаҳрдории Душанбе хабар дода, гуфтааст, ки ин кор бо мақсади ивази қубурҳои обгузари чанд кӯчаи пойтахт анҷом дода мешавад. 

Дар робита ба ин, шаҳрдорӣ аз шаҳрвандон хост, ки дар ин рӯз миқдори зарурии обро захира кунанд.

Дар ин муддат дар кӯчаву маҳаллаҳои зерин об қатъ мегардад:

- дар ноҳияи Сино: шаҳракҳо (микрорайонҳо)-и 10, 11, 12, 13, 14, 15, 15А, 31, 82, 83, 84, 91, 92, 101, 102, 103, 104, 112, Зарафшон 1 ва 2, Испечак 1 ва 2, Муҳандис, Меҳробод, М. Ҳамадонӣ, Навободи боло ва Навободи поён, Буни Ҳисорак, Деҳи боло, Панҷрӯд, Ободкорон, Бунёдкорон, Лучоби боло ва Лучоби поён, Комсомол, Қазоқон-1, Мовароуннаҳр, Камонгарон, Шишхона, Яккачинор, Ҳаёти нав, Қарамишикор, Меҳнатобод, Зафар, Чавлибои, Гиҷдалабо ва кӯчаи Бобо Ҳамдам;

- дар ноҳияи Исмоили Сомонӣ: кӯчаҳои Хӯҷамбиёи боло ва Хӯҷамбиёи поён, Шафақ, А. Мухтора, Нодира;

- дар ноҳияи Фирдавсӣ: кӯчаҳои А. Қаҳҳоров, Миралӣ Маҳмадалӣ, Соҳилӣ, Н. Қарабоев то хонаи №36, хиёбони Саъдии Шерозӣ то хонаи №24.

Дар Telegram, Facebook ва Instagram бо мо бимонед.