Раиси Шӯрои олии сулҳи Афғонистон ва собиқ президенти ин кишвар Бурҳониддин Раббонӣ бар асари амали террористӣ дар ҳавлии манзили зисти худ ба ҳалокат расид. Ин хабарро ба РИА Новости дар мақомоти пулиси Кобул тасдиқ кардаанд.
Бино ба маълумоти мақомоти ҳифзи ҳуқуқи Афғонистон рӯзи сешанбе дар кӯчаи 10-уми хиёбони Вазир Акбар Хон, ки дар наздикии маҳалли намояндагиҳои дипломатӣ ва сафоратхонаи Иёлоти Муттаҳидаи Амрико воқеъ аст, инфиҷор рух додааст.
Бар асари таркиш Раббонӣ ва боз панҷ нафар меҳмонони ӯ ба ҳалокат расидаанд. Тибқи маълумоти пешакӣ, миёни кушташудагон аъзои Шӯрои олии сулҳ ҳузур доранд. Дар маҳалли ҳодисаи амали террористӣ гурӯҳи тафтишотӣ машғули кор аст. Дар натиҷаи инфиҷор котиби Шӯрои олии сулҳи Афғонистон Маъсум Станакзай ҷароҳати вазнин бардоштааст.
Гуфта мешавад, эҳтимол меравад, ки амали террористӣ аз ҷониби як террористи маргталаб ба анҷом расонида шудааст.
Тибқи фарзияи дигар, ҷинояткорон бомбаро пешакӣ дар манзили Раббонӣ гузошта будаанд.
Шӯрои олии сулҳи Афғонистон бо фармони президенти кишвар Ҳомид Карзай таъсис дода шуда, бо нерӯҳои мухолифин гуфтушунид анҷом медод.
Солҳои 1980-1990 Бурҳониддин Раббонӣ яке аз пешвоёни муҷоҳидини афғон буд. Соли 1992 пас аз сарнагун кардани ҳукумати Наҷибуллоҳ то истеъфои расмии худ – 22-юми декабри соли 2001 ӯ мансаби президенти Афғонистонро бар дӯш дошт. Ахиран Бурҳониддин Раббонии 71-сола ба ҳайси раиси Шӯрои олии сулҳи Афғонистон ифои вазифа мекард.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста