Собиқ нахуствазири Украина Юлия Тимошенко ба 7 соли зиндон маҳкум гардид.
Бино ба иттилои хабаргузории РИА «Новости», ҳамчунин додгоҳ ӯро ба пардохти хисорот ба «Нафтогаз Украина» муваззаф сохтааст, вале Юлия Тимошенко изҳор кардааст, ки бо ҳукми додгоҳ розӣ нест.
Додгоҳи Печери шаҳри Киев ӯро ба баромадан аз ҳадди ваколат гунаҳкор донист. Зимни қироати матн додрас изҳор доштааст, ки Тимошенко ба Украина дар ҳаҷми 1,5 млрд. гривен (188 млн. доллари ИМА) зарарӣ молӣ расонидааст.
Дар ҳамин ҳол, вакилони ҷонибдори Тимошенко кӯшиш доранд, ки садди кормандони мақомоти қудратиро рахна сохта, ба бинои додгоҳ ворид шаванд. Қаблан додрас Родион Киреев дар рӯзи қироати ҳукмнома танҳо ба журналистон иҷозаи вуруд ба толори додгоҳро дода буд. Аммо ҳудуди 1 ҳазор нафар вакилони ҷонибдори Тимошенко ин қарорро ғайриқонунӣ унвон карда, ҳаракати нақлиёт дар роҳро бастанд ва баҳри изҳори эътироз назди бинои додгоҳи ноҳиявии Печер ҷамъ омадаанд.
Нахуствазири собиқи Украина Юлия Тимошенко дар баромадан аз ҳадди ваколатҳои мансабӣ ҳангоми дар соли 2009 ба имзо расонидани созишнома миёни ширкатҳои «Газпром»-и Русия ва «Нафтогаз Украина» дар бораи интиқоли газ ба Украина гунаҳкор дониста шуд.
Қобили зикр аст, ки Радаи Олии Украина ворид сохтани чор тағйирот ба Кодекси ҷиноии Украинаро, ки ба собиқ нахуствазир имкони раҳоӣ ёфтан аз масъулият оид ба ин масъаларо фароҳам месохт, рад сохт.
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Кулли ахбор
Авторизуйтесь, пожалуйста