Дар пойтахти Афғонистон наздикии мавзеи фурудгоҳ рӯзи якшанбе таркиши шадид рух дод.

Бино ба иттилои манбаъҳои расонаҳои ҷаҳонӣ дар раҳбарияти ИМА, зарба аз ҷониби низомиёни амрикоӣ сурат гирифтааст. Настоящее время менависад, онҳо як террористи маргталабро, ки нияти ҳамла ба фурудгоҳро доштааст, несту нобуд карданӣ будаанд.

Низомиёни ИМА хабар доданд, ки ба як мошин зарба зада, рӯзи якшанбе як ҳавопаймои бидуни сарнишини амрикоӣ дар пойтахти Афғонистон онро нобуд кардаааст, чунки миқдори зиёди маводи тарканда дошту бевосита ба фурудгоҳи Кобул хатар эҷод мекард.

Мувофиқи изҳороти Фармондеҳии марказӣ, ки ба ин амалиёт масъул буд, ҳадаф ба гурӯҳи террористии “Давлати исломӣ - Вилояти Хуросон” рабт дошт. Амрикоиҳо ин гурӯҳро дар таркиши пешина дар фурудгоҳ, ки бар асари он 13 низомии амрикоӣ ҷон бохтанд, гунаҳкор медонанд.

Хабаргузории Asvaka бо такя ба шоҳидон ҳодиса дар Твиттер гузориш медиҳад, ки таркиш бар асари ба бинои истиқоматӣ афтодани мушак рух додааст. Дар натиҷа ду нафар кушта ва се нафар маҷрӯҳ шуданд. Ба гуфтаи шоҳидон, дар байни онҳо занону кӯдакон низ ҳастанд, менависад РБК.

Associated Press хабар медиҳад, ки пулиси Афғонистон гуфтааст, дар наздикии фурудгоҳи Кобул як мушак афтода, дар натиҷа як кӯдак ҳалок шудааст.

Хабаргузории РИА Новости бо истинод ба шабакаи телевизионии CNN иттилоъ медиҳад, ки зимни зарбаи ИМА ба шаҳри Кобул, 9 нафар, аз ҷумла 6 кӯдак ҳалок шудааст.

Яке аз аъзои ин оила ҳамаи 9 қурбонии зарба ба мошини террористонро ном ба ном зикр кардааст, ки синни қурбониёни хурдсолтарин 2 ва 3-сола мебошад.

Яке аз пайвандони оила, ки бародари бархе аз кушташудагон буд, ба хабарнигори ин шабака гуфтааст, ки "як оилаи одӣ" аст.

Ҳар он чи дар Афғонистон рух медиҳад, метавонед мустақиман дар сужаи мо -  "Афғонистон" бихонед.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.