Ҳукумати сарбарасти “Толибон” иддао кардааст, ки Имороти Муттаҳидаи Арабӣ фаъолиятҳои сиёсии Ашраф Ғанӣ, раисҷумҳури собиқии фирории Афғонистон ва Ато Муҳаммади Нурро маҳдуд кардааст. То кунун ин сиёсатмадор ба ин иддаи Толибон посухе надодаанд.
Рӯзномаи “8 субҳ”-и чопи Кобул бо нақли қавл аз масъулони ҳукумати Толибон навиштааст, ки “Имороти Муттаҳидаи Арабӣ бар фаъолиятҳои сиёсии Ашраф Ғанӣ, раисҷумҳури пешин ва бархе аз мақомоти сиёсии Афғонистон маҳдудият вазъ кардаанд”.
Аҳмадуллоҳ Васиқ, узви Комиссияи фарҳангии толибон шаби якшанбе, ҳафтуми қавс дар Твиттери худ навиштааст, ки ин маҳдудият бар Ашраф Ғанӣ ва мақомоти пешини ҳукуматаш, ки ба Дубай ва шаҳрҳои дигари он фирор карданд, вазъ шудааст.
Ба гуфтаи Васиқ, ба ҷуз Ашраф Ғанӣ, Ато Муҳаммади Нур, волии пешини вилояти Балх ва раиси ҳизби ҷамъияти исломӣ (шохае таҳтии раҳбарии худаш) ва Ҳамдуллоҳ Муҳиб, мушовири пешини амнияти миллии ҳукумати Ғанӣ низ шомили ин маҳдудиятҳо ҳастанд.
То кунун мақомоти расмии Иморот ба ин иддаи толибон вокуниши накардаанд. Ҳамчунин на Ашраф Ғанӣ ва Ато Муҳаммади Нур низ дар ин баробар мавзеъгирие накардаанд.
Иддаои толибон дар мавриди маҳдуд шудани фаъолиятҳои сиёсии Ато Муҳаммади Нур дар Ҳолест, ки 22 октябр ҷаноби Нур аз ташкили як созмони сиёсие бо номи Шӯрои олии муқовимати миллии Ҷумҳурии исломии Афғонистон хабар дод.
Он замон гуфта мешуд, ки чеҳраҳои сиёсие чун Абдураб Расули Сайёф, Муҳаммадюнус Қонунӣ, Абдурашиди Дӯстум, Муҳаммад Муҳаққиқ ва чанде дигар шахсиятҳои сиёсӣ низ дар раъси ин шӯро қарор доранд.
Ин шӯро ҳадаф пеш гузошта буд, ки мушкилоти Афғонистон аз тариқи сиёсӣ ҳаллу фасл гардад. Аммо таъкид мекунанд, “дар сурате, ки ҷониби муқобил ва ҳомиёнашон ба чунин роҳи ҳал тан надиҳанд, мо ночор ба бахши дуввуми мубориза (фаъолиятҳои низомӣ) мутавассил хоҳем шуд”.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста