Аз оғози ҷанги Русия дар Укроин ҳаҷми ёриҳои низомии Иттиҳоди Аврупо ба Укроин ба  €1,5 млрд расидааст. Дар ин бора роҳбари Шӯрои Аврупо Шарл Мишел дар шаҳри Киев хабар дод.

Мишел бо президенти Укроин Владимир Зеленский мулоқот кард. Президенти Укроин гуфт, ки онҳо таҳримҳои зидди Русия, инчунин кӯмаки низомиву мудофиавии Иттиҳоди Аврупо ба Киевро баррасӣ кардаанд.

Зеленский ҳамчунин илова кард, ҷонибҳо суолномаеро баррасӣ кардаанд, ки Укроин ахиран барои шомил шудан ба Иттиҳоди Аврупо онро пур карда буд. Чанд рӯзи пеш мақомоти Укроин онро ба Иттиҳод супориданд.

Мишел дар сафараш ба Укроин ба шаҳраи Бородянки наздики Киев рафт, ки чанде пеш артиши Русияро он шаҳракро холӣ карда буд. Укроин артиши Русияро дар хушунат нисбати афрди мулкӣ гумонбар мекунад.

"Таърих ҷиноятҳои ҷангиеро фаромӯш нахоҳад кард, ки инҷо содир шудаанд. Ҳеч сулҳе бидуни адолат пойдор нахоҳад монд", - навишт роҳбари Шӯрои Аврупо дар саҳифаи Твиттер.

Аз оғози ҳамалаи Русия ба Укроин тибқи иттилои СММ, бештар аз 2 ҳазор сокини осоишта, аз ҷумла кӯдакон кушта шудаанд. Бештар аз 5 миллион кас Укроинро тарк карданд. Теъдоди муҳоҷирони иҷбории дохилӣ дар Укроин ба бештар аз 7 миллион мерасад.

Дар TelegramFacebookInstagramOK ва ВК бо мо бимонед.