Роза Отунбоева, фиристодаи вижаи Созмони Миллали Муттаҳид дар масоили Афғонистон, дар аввалин дидори худ бо Амирхон Муттақӣ, сарпарасти вазорати корҳои хориҷии Афғонистон дар бораи ҳамкорӣ дар масоили эътимодсозӣ, системаи бонкӣ ва омӯзиш барои ҳама, бахусус духтарон, баҳсу гуфтугӯ намудааст. Дар ин бора Ҳайати муовинони СММ (UNAMA) дар масоили Афғонистон хабар медиҳад.
Ба иттилои манбаъ Роза Отунбоева ва Амирхон Муттақӣ бо вуҷуди тафовути назарҳо ба зарурати наздиктар сохтани Афғонистон ва ҷомеаи байналмилалӣ ба хотири афғонҳо тавофуқ намудаанд.
Ҳамчунин, Роза Отунбоева бо Мавлавӣ Абдулкарим, муовини Ҳайбатуллоҳ Охундзода, раҳбари Толибон мулоқот намуда, дар мавриди ҳуқуқи расонаҳо, омӯзиши духтарон, ҳукуматдорӣ, саҳми ҳаётии ҳамаи афғонҳо, аз ҷумла, занон дар бозсозии Афғонистон гуфтугӯ намудааст.
Фиристодаи СММ барои Афғонистон бо Абдусалом Ҳанафӣ, муовини дигари Охундзода дар робита ба масоили кӯмакҳои байналмилалӣ, маводди мухаддир ва аҳамияти омӯзиши духтарон суҳбат кардааст.
Гуфтан ба маврид аст, ки Роза Отунбоева, фиристодаи вижаи СММ дар Афғонистон қаблан дар маснади президенти Қирғизистон фаъолият карда, муддате ҳукумати гузори ин кишварро роҳбарӣ намудааст.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста