Тоҷикистон ба Ҷумҳурии Исломии Покистон ба маблағи 19,2 млн сомонӣ 5 ҳазор тонна маводи ғизоӣ, сузишворӣ, масолеҳи сохтмонӣ ва маводи зарурии санитарию шустушӯйӣ кумаки башардӯстона равон кардааст. Дар ин бора аз Хадамоти матбуотии президент хабар доданд.
Манбаъ гуфт, ки ин кӯмакҳо аз 300 тонна орд, 20 ҳазор литр равғани растанӣ, 100 тонна гандуми истеъмолӣ, 100 тонна биринҷу макарон, 500 тонна оби нӯшокӣ, 1500 тонна ангиштсанг, 2000 тонна семент, 5000 ҳазор дона шифер, 100 метри мукааб тахта ва беш аз 40 тонна собуни хоҷагӣ иборат мебошад.
Гуфта мешавад, ки он бо супориши Эмомалӣ Раҳмон, президенти Тоҷикистон ба мардуми Покистон, ки дар натиҷаи офатҳои табии селу обхезиҳои шадид моҳҳои охир хисороти зиёди ҷонию иқтисодӣ дидаанд, равон карда шуд.
Гуфта мешавад, ки сохторҳои дахлдори мамлакат барои то қаламрави Покистон расонидани кумаки ҷудогардидаи башардӯстона вазифадор карда шуданд.
Ёдовар мешавем, ки моҳи сентябри соли ҷорӣ низ Тоҷикистон ба Покистон ба маблағи 12,2 миллион сомонӣ кумаки башардӯстона фиристода буд. Он замон бар асари селхезиҳо дар Покистон 1265 нафар ба ҳалокат расида, 33 млн нафар захмӣ шуданд.
Инчунин, зиёда аз як миллион бинои истикоматй, роҳу пулҳо, дигар объектҳои таъиноти гуногун ва заминҳои кишт комилан хароб гардиданд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста