Вазорати маорифи Афғонистон бо нашри як эъломия дар Рӯзи ҷаҳонии омӯзиш гуфтааст, ки мекӯшад то заминаи омӯзиши меъёриро дар Афғонистон фароҳам созад. Дар ин бора “Тулӯънюз” хабар медиҳад.
Толибон*, ки дар соли 2021 қудрат дар Афғонистонро ба даст гирифтанд, гуфтаанд, ки айни ҳол дар кишвар 19 ҳазор мактаб ва 13 ҳазор мадрасаи динӣ фаъол ҳастанд.
Толибон дар ҳоле аз фароҳам сохтани заминаи омӯзиши меъёрӣ сухан мегӯянд, ки беш аз 18 моҳ мешавад духтарони аз синфи шаш боло ба мактаб нарфтаанд ва ҳанӯз ҳам тасмими ниҳоӣ дар бораи бозкушоии мактабҳои миёна ва литсейҳои духтарон гирифта нашудааст.
Дар эъломияи Толибон гуфта шудааст: “Вазорати маориф ба мардуми Афғонистон ва ҷомеаи ҷаҳонӣ итминон медиҳад, ки талош мекунад, то барои мардуми худ хадамоти меъёри омӯзиширо фароҳам бисозад”.
Ин дар ҳолест, ки мудири кулли Созмон омӯзиш, илм ва фарҳанги СММ аз Толибон хост, ҳуқуқи занон ва духтаронро дар Афғонистон таъмин намоянд.
Созмони Милали Муттаҳид дар як хабарнома гуфтааст, ки тамоми кӯшишро ба харҷ медиҳад, то Толибон манъи таҳсил ва кор дар берун аз хона барои занони Афғонистонро лағв кунанд.
Дар чаҳорчӯби ин талошҳо мақомоти баландпояи СММ на танҳо дар худи Афғонистон, балки дар маҷмӯъ, дар минтақа машваратҳо анҷом дода, аз ҷаҳони ислом ва тамоми ҷомеаи ҷаҳонӣ даъват мекунанд, ки дар “аз ҷабҳаи ягона баромад карда” ба Толибон ёдовар шаванд, ки ислом занонро аз хондан ва кор кардан манъ намекунад.
Дар ин бора Омина Муҳаммад, муовини аввали Дабири кулли СММ, ки тоза аз Афғонистон ва кишварҳои минтақа баргашт, дар як нишасти хабарӣ дар Ню-Йорк ба рӯзноманигорон хабар дод.
Гуфтан ба маврид аст, ки чанде пештар намояндагони Созмони Милали Муттаҳид аз Кобул ва Қандаҳор дидан карда, дар он ҷо бо сокинони маҳаллӣ, кормандони соҳаи башардӯстона, намояндагони мақомот, ҷомеаи шаҳрвандӣ ва дигар шахсиятҳои таъсиргузори ҷамъиятӣ мулоқот карданд.
Бояд гуфт, ки Толибон омӯзиши занон ва духтарони донишомӯз ва донишҷӯро “то амри сонӣ”, яъне вақти номаълум мамнӯъ карда ва гуфта буд, ки пас аз фароҳам кардани шароити лозим, дарвозаи мактабҳо ва донишгоҳҳоро дубора ба рӯй онҳо боз хоҳад кард.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста