Муҳаммад Ҳаниф Атмар, вазири корҳои хориҷии пешини Афғонистон муқовимати мусаллаҳона бо Толибонро* “бенатиҷа” хонда, пазириши “беқайду шарт”-и ин гуруҳро низ иштибоҳ номидааст ва таъкид кардааст, ки зарурати ташкили боз як “нишасти Бонн” пеш омадааст.
Ӯ ин суханони худро зимни маърӯза дар як муассисаи дипломатӣ-фарҳангии Олмон, дар шаҳри Берлин иброз доштааст.
“Ҷанг ва истифода аз зӯр зидди Толибон то шикасти комили онҳо иштибоҳ аст. Чун мо ин корро дар ду даҳаи гузашта таҷриба кардем ва натиҷае, ки мехостем, нагирифтем. Ҳамчунин, пазириши беқайду шарт ин гуруҳ низ иштибоҳ аст. Аз ин лиҳоз, барои ташкили давлати ҷадид иҷрои тавофуқномаи Давҳа ва баргузории “нишасти Бонн”-и дуюм таҳти назари Созмони Миллали Муттаҳид бо ҳузури тамоми ҷараёнҳои сиёсӣ, аз ҷумла Толибон зарур аст”, - гуфтааст Ҳаниф Атмар.
Ҳаниф Атмар таъкид кардааст, ки маҳдудкунии озодиҳо ва ҳуқуқи инсон дар Афғонистон метавонад мушкили аслӣ ва омили бесуботӣ дар Афғонистон бошад. Аз ин лиҳоз, ӯ бо хитоб ба Толибон низ гуфтааст, ки “машрӯъияти давлати бидуни демократия ва адами риоя ҳуқуқи асосии мардум ғайриимкон аст”.
Бояд гуфт, ки Ҳаниф Атмар аз камтарин мақомдорони ҳукумати пешини Афғонистон аст, ки ба тавофуқномаи Давҳа бо назари нек менигарад.
Гуфтан ба маврид аст, ки конфронси Бонн моҳи декабри соли 2001 дар шаҳри ҳамноми Олмон, пас аз ҳамлаи НАТО бо роҳбарии Амрико ба Афғонистон ва суқути ҳукумати якуми Толибон, ҷараён гирифт. Дар ин конфронс, ки пешвоёни сиёсиву қавмии давлати Афғонистон иштирок доштанд, сохти давлатдории ояндаи ин кишвар ва роҳбари ҳукумати муваққат мушаххас карда шуд. Маҳз дар ин конфронс Ҳомид Карзай роҳбари ҳукумати муваққати Афғонистон баргузида шуд ва аз соли 2002 то соли 2014 президенти ин кишвар буд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Вакил Миронов ихроҷи муҳоҷирони тариқи пора ҳузурашон қонунишударо пешниҳод намуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 апрели соли 2025
Муҳлати қонунигардонии будубош дар Русия то сентябр тамдид шуд. Посух ба муҳимтарин саволҳо
Аз $27 ҳазор ҷарима то 10 соли ихроҷ. Кумитаи дин паёмади нақзи тартиби нави ҳаҷҷи имсоларо шарҳ дод
Аз Чилдухтарону Осорхонаи Восеъ то оромгоҳи Ҳазрати Султон. Маконҳои сайёҳиву таърихии минтақаи Кӯлоб, ки ҳатман бояд дид
“Ба ватан баргаштем, аммо ҷуброни зарар мехоҳем”. Чанде аз зоирони дар Арабистони Саудӣ дармонда ба Тоҷикистон баргаштаанд
Мақомоти Эрон сабаби таркиш дар бандари “Шаҳид Раҷоӣ”, ки боиси ҳалокати 70 кас шуд, гуфтанд
Қирғизистон марзи худ бо Тоҷикистонро симхор мекашад
“Олам - гулистон”. Омори ҷойҳои корӣ дар Тоҷикистон чӣ гуна ҳисоб карда мешавад?
Оби Осиёи Марказӣ. Сокинони минтақаро чӣ интизор хоҳад буд?
Кулли ахбор
Авторизуйтесь, пожалуйста