Амруллоҳ Солеҳ, муовини аввали раисҷумҳури Афғонистон бо нашри як изҳороти тунд дар саҳфаи расмияш дар Фейсбук гуфт, ки таҳти ҳеҷ шароите ва дар баробари ҳеч имтиёзе, султаталабиро болои мардуми Афғонистон намепазирем.
Ин изҳорот, ки чанд лаҳза пеш нашр шуд, пас аз хабарҳои эҳтимоли оташбаси шашмоҳа ва истеъфои Муҳаммад Ашраф Ғанӣ, раисҷумҳури Афғонистон, мебошад.
Дар ин изҳорот, оқои Солеҳ бо хитоб ба мардуми Афғонистон мегӯяд, ки "бароятон итминон медиҳам, ки таҳти ҳеч шароите, зери ҳеч унвоне, дар баробари ҳеч имтиёзе, ба хотири ҳеч маслиҳате, султаталабиро болои мардуми Афғонистон намепазирем ва ба ҳеч муомилае, ки толиб шароити онро дикта ва таҳмил кунад, тан дар намедиҳам. Ба ҳеч муомилае, ки исмаш сулҳ ва моҳияташ таслим бошад, тан дар намедиҳам. То ҷойе мақдур бошад, аз ҳаққи тамоми мардуми Афғонистон дифоъ мекунам".
Амруллоҳ Солеҳ дар ин изҳороташ мегӯяд, ки "аз ҷойгоҳи муовини нахусти раёсати ҷумҳурӣ тамоми сайъу талошро анҷом медиҳам, ки вазъият тағйир намояд ва яқин дорам, ки толиб шикаст мехӯрад. Торих собит хоҳад сохт", - гуфтааст Солеҳ.
Солеҳ гуфтааст, ки неруҳои амниятиву дифоӣ ва хезишҳои мардумӣ дар ҳар ҷойе, ки раҳбарии дуруст шудаанд, то кунун муқовимати сахт кардаанд ва бо қомати рост меҷанганд.
Муовини нахусти раисҷумҳури Афғонистон қасам мехӯрад, ки "ба Худованд қасам ёд мекунам - ба руҳи пуршукуҳи раҳбарам қасам ёд мекунам, ки меросашро лаккадор намесозам. Ӯ гуфта буд, агар ба андозаи кулоҳаш замин боқӣ монда бошад, муқовимат мекунад. Ниёз нест барномаҳоямро аланӣ баён намоям. Ман дар реша ва тафаккур сарбози Аҳмадшоҳ Масъуд ва сарбози ҳаросат аз ормони ҳамешатобони муқовимат астам. Муқовимат, яъне ҳаросат аз иззати зан, мард, хонавода, ҳарими хусусӣ, каромати инсонӣ ва ҳаққи таъини заъомат барои ҳама миллати Афғонистон".
Амруллоҳ Солеҳ гуфтааст, ки "пирӯз мешавем, аммо бе қурбонӣ на".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
В Таджикистане растет оптимизм потребителей из-за роста экономики
Теперь в ответе будут не только родители. Закон Таджикистана об ответственности за воспитание и обучение детей изменят
В ГКНБ Таджикистана заявили, что усиливают меры безопасности на госгранице
В Душанбе ездят автобусы с новыми POS-терминалами для оплаты за проезд наличными
КЧС Таджикистана о ситуации по стране: из-за селей перекрыты дороги, разрушены береговые линии рек, пострадали дома и постройки
ГЛАВНОЕ ЗА НЕДЕЛЮ: Без «Идгардака» и свадебных излишеств, партийный переполох и новая жизнь в такси
Салом алейкум, Таджикистан! Анонсы событий, день в истории, прогноз погоды на 18 мая 2024 года
Майские змеи в горах Таджикистана: как защититься и оказать первую помощь?
Четверым оставшимся фигурантам дела о теракте в «Крокусе» также продлили срок ареста
ЕБРР будет стимулировать молодежное и женское предпринимательство в Таджикистане
Все новости
Авторизуйтесь, пожалуйста