Дар вилояти Суғд пас аз баргузории аттестатсияи давлатӣ 61 мактаб бе директор мондааст. Баъзе директорҳо ба саволҳои оддитарини аъзои комиссияи аттестатсионӣ посух гуфта натавонистаанд. Дар ин бораи Мадина Набизода, сардори Раёсати маорифи вилояти Суғд зимни нишасти матбуотӣ, ҳафтаи гузашта иттилоъ дод.
Ӯ гуфт, ки дар шашмоҳаи аввали соли 2023 дар вилояти Суғд 4 ҳазору 210 нафар директорон, омӯзгорон, мураббиён ва дигар кормандони соҳаи маориф аз аттестатсияи давлатӣ гузашта, 503 нафар категорияи олӣ, 807 нафар категорияи якум ва 1 ҳазору 150 нафар категорияи дуюм гирифтанд.
Ба қавли Мадина Набизода, миёни нафарони аз аттестатсия гузашта, онҳое ҳам будаанд, ки натавонистаанд ба саволҳои аъзои комиссияи аттестатсионӣ посух диҳанд.
“Мутаасифона, баъзе директорони мактабҳо дар назди аъзои комиссия, ки аз Вазорати маориф ва илми кишвар омада буданд, ба одитарин саволҳо ҷавоб дода натавонистанд. Ин боис гардид, ки чандеи онҳо аз вазифаи роҳбарии мактаб сабукдӯш шуданд”, - гуфт Мадина Набизода.
Ба ин тариқ, айни ҳол дар вилояти Суғд 61 мактаб директор надоштааст ва онҳоро нафарони иҷрокунандаи вазифа роҳбарӣ мекардаанд.
“Хабарҳое, ки гӯё давр вилояти Суғд 200 мактаб бе директор аст, асос надорад. Дар вилоят ҳамагӣ 61 мактаб директор надорад, аммо бо ин вуҷуд, онҳо бесоҳиб нестанд. Ба ҷойи директорон иҷрокунандагони вазифаҳо кор карда истодаанд”, - гуфт Мадина Набизода.
Ба қавли Набизода, айни замон ҷобаҷогузории кадрӣ дар шаҳру навоҳии Суғд идома дорад.
Гуфтан ба маврид аст, ки дар вилояти Суғд 946 муассисаҳои таҳсилоти умумӣ амал мекунад ва дар он беш аз 570 ҳазор хонанда таҳсил менамоянд. Теъдоди омӯзгорон дар вилоят 37 ҳазору 662 нафар мебошад.
Медицинский туризм в Узбекистане: ТОП клиник, которые советуют сами узбекистанцы
«Работать, чтобы выжить». Как производители элитных духов используют детский труд
Хотите усыновить ребенка? Соберите 17 документов и ждите решения суда
В Словакии гражданина Таджикистана признали опасным для страны
Во Франции задержали уроженца Чечни. Его подозревают в подготовке теракта во время Олимпиады
Разрушительные сели, поездки президента и ужесточение законов: Самые важные события мая по версии «Азия-Плюс»
В ЦУМе Душанбе открылся бренд-шоп Samsung
Эмомали Рахмон назвал главные достижения Таджикистана за 30 лет независимости
Евросоюз объявил об инвестировании устойчивого транспортного сообщения в Центральной Азии на 10 млрд. евро
Стало известно полное расписание матчей ЧМ-2024 по футзалу с участием Таджикистана
Все новости
Авторизуйтесь, пожалуйста