Ронандаи автомашинае, ки дар Душанбе кӯдаконро пахш намуда, ба ҳалокати онҳо боис гардид, ба рондани воситаи нақлиёт ҳуқуқ надошт.
Бино ба маълумоти Раёсати ВКД дар шаҳри Душанбе, шоми санаи 22-юми феврал ронандаи автомашинаи номаълум, ҳангоми ҳаракат аз кӯчаи 50-солагии Тоҷикистон ба самти кӯчаи Абайи шаҳри Душанбе, дар болои гузаргоҳи танзимшаванда қоидаҳои бехатарии харакат дар роҳро дағалона вайрон намуда, пиёдагардони хурдсол Ҳамза Норови 10-сола ва Дилноза Нороваи 11-сола, сокинони пойтахтро пахш намуд.
«Бо рух додани чунин ҳодисаи нохуши нақлиётӣ, мутаассифона пиёдагардони хурдсол ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидаанд», - омадааст дар маълумоти РВКД.
Гуфта мешавад, зимни гузаронидани маҷмӯи чорабиниҳои оперативӣ-ҷустуҷӯӣ ронандаи фирорӣ аз ҷониби кормандони милитсияи пойтахт дастгир шуда, муайян гардид, ки ин ҷиноятро ронандаи автомашинаи тамғаи “Ауди” ва бе шаҳодатномаи ронандагӣ сокини пойтахт, шаҳрванд Маъруф Шарифови 25-сола содир намудааст.
Зимнан зикр мегардад, ки нисбати ронандаи фирорӣ барои оғоз намудани парвандаи ҷиноятӣ маводҳои аввалиндараҷа тартиб дода шуда, дар ҳабси пешакӣ қарор дорад.
Мувофиқи меъёрҳои Кодекси ҷиноии Тоҷикистон, барои ронандае, ки бо гуноҳи ӯ бар асари садамаи нақлиёт ду ё зиёда аз он касон ҳалок мешаванд, аз панҷ то даҳ сол ҷазои маҳрумият аз озодӣ пешбинӣ шудааст. Шахсе, ки амалро содир кардаасту шаҳодатномаи ронандагӣ надорад, ба ҷазои аз 10 то 15 соли зиндон маҳкум мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Что соседи скажут? Как в Таджикистане выбирают лучшую семью
Кто из глав государств поедет в Москву на Парад Победы?
Таджикистан подписал Декларацию о детях, молодежи и действиях в области климата
Путин сегодня в пятый раз вступит в должность президента России
Узбекистан сохранил лидерство в списке крупнейших экспортеров золота в мире
Олимпийские лицензии в ЦА: у кого их больше?
Салом алейкум, Таджикистан! Анонсы событий, день в истории, прогноз погоды на 7 мая 2024 года
Cоветника посольства Казахстана в ОАЭ отзовут после обвинений в домашнем насилии
Сталинабадские островки милосердия. Где в Душанбе располагались эвакогоспитали в годы ВОВ?
«FORMULA55» стала генеральным спонсором ФК «Истаравшан»
Все новости
Авторизуйтесь, пожалуйста