Аҳлиддин Ятимов, падари Моҳира Ятимоваи 33-сола, ки собиқ шавҳараш қатл кард, ба суди боадолат умедвор аст.
“Ман ба суд ва адолат дар парвандаи куштор духтарам умедворам”, - гуфт ӯ дар мусоҳиба ба “Азия-Плюс”.
Барои вокуниш ва андешидани тадбирҳои саривақтӣ дар таҳқиқи парвандаи куштори духтараш ӯ ба раҳбарияти ҷумҳурӣ, мақомоти ҳифзи ҳуқуқ ва васоити ахбори умум миннатдорӣ изҳор намуд.
“Ҳодисаи куштори духтарам дар хонаи собиқ шавҳараш дар камераҳои видео наворбардорӣ шуда, он ба маводи парвандаи ҷиноӣ ҳамроҳ карда шудааст ва умедворам, ки ин сабти видео далели раднопазири бегуноҳии Моҳира хоҳад шуд”, - гуфт Ятимов.
Ҳамчунин ӯ умедвор аст, ки мурофиаи судӣ нисбати собиқ шавҳари духтараш кушода доир гардида, дар он намояндагони ВАО низ ҳузур хоҳанд дошт.
“Умедворам, ки мурофиаи судӣ нисбати Ширинов барои касоне, ки фикр мекунанд қонун ба онҳо дахл надорад, дарси ибрат мешавад”, - илова кард Ятимов.
Ёдрас мекунем, ки Прокуратураи генералии Тоҷикистон тафтиши парвандаи куштори Моҳира Ятимоваи 33-соларо ба итмом расонида, онро ба баррасии суди шаҳри Душанбе фиристод.
Дар содир намудани ҷиноят собиқ шавҳари марҳум Бобоҷон Ширинов айбдор дониста мешавад, ки нисбаташ мутобиқи моддаи 104, қисми 2-и Кодекси ҷиноятии Тоҷикистон (одамкушӣ бо бераҳмии махсус) парвандаи ҷиноятӣ боз шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Власти Казахстана заинтересовались доходами местных блогеров
Афиша от «Азия-Плюс»: Kids Fashion Day, матч Таджикистан-Пакистан и K-pop – фестиваль
Суд над Трампом в Джорджии отложен на многие месяцы
В Балтийском море начались крупнейшие учения НАТО Baltops 24
Почему Арал – трагедия и Таджикистана и всего земного шара?
Разминирование, как Национальная цель устойчивого развития. Опыт Азербайджана
Таджикская сельхозпродукция признана самой чистой в СНГ
«ТГЭМ»: 65-летний путь к вершинам в энергетике и строительстве
В Москве таксист из Кыргызстана высадил участников военной операции, против него возбудили дело
Путин пригрозил поставить оружие для ударов по тем, кто вооружает Украину дальнобойным оружием
Все новости
Авторизуйтесь, пожалуйста