Вазорати корҳои хориҷии Тоҷикистон дар робита ба куштори духтарчаи хурдсоли тоҷик дар Серпухово ба Вазорати корҳои хориҷии Русия ёддошт ирсол намуд.
«Куштори ваҳшиёнаи шаҳрванди панҷсолаи Ҷумҳурии Тоҷикистон Ҳувайдо Тиллозода, ки рӯзи 22 июли соли 2018 дар шаҳри Серпухово рух дод, боиси нигаронии шадид ва изтироб дар Тоҷикистон гардид», - қайд мешавад дар маълумоти нашршудаи Вазорат.
Дар ёддошт аз мақомоти дахлдори Русия даъват мешавад, ки ҳодисаи мазкур дақиқкорона ва мӯшикофона мавриди тафтиш қарор дода шавад.
«Даъват мекунем, то тафтиши комили ҷинояти ваҳшиёна, ки нисбати ин тифл содир гардидааст, анҷом ёбад ва ба ҷинояткоре, ки чунин кирдори ғайриинсониро раво дидааст, ҷазои сангин дода шавад», - омадааст дар маълумот.
Зимнан зикр мегардад, ки намояндагиҳои дипломатӣ ва муассисаҳои консулии Тоҷикистон дар Россия бо мақомоти марбутаи Россия то аноҷоми тафтишот ва судури ҳукми ҷазо дар тамоси доимӣ хоҳанд буд.
Ёдрас мекунем, ки рӯзи 23 июл дар наздикии роҳи оҳани қаламрави шаҳри Серпуховои вилояти Маскав ҷасади духтари 5-солаи як оилаи шаҳрвандони Тоҷикистон дарёфт шуд, ки чанде қабл бедарак шуда буд.
Дар Раёсати Кумитаи тафтишоти вилояти Маскав хабар додаанд, ки ба гумони даст доштан дар куштор ва ҳамчунин таҷовуз ба номуси духтарча сокини 28-солаи маҳаллӣ боздошт шудааст. Тибқи маълумоти нашрия, гумонбаршуда дар ҳамсоягии оилаи кӯдак зиндагӣ дошта, аз хонаи ӯ пайҳои пойафзоли духтар ва изи ангуштони ӯ дарёфт шудааст.
Дар ҳамин ҳол, дар шабака навори видеои Telegram-канал Mash нашр шуд, ки дар он чӣ гуна бо сумкаи варзишӣ дар китф гузаштани гумонбаршуда ва ҳангоми бозгашт дар китфаш набудани сумка дида мешавад.
Падари духтарча Абдусалом Саидов то ҳол ба ин ҳодисаи рухдода бовар надорад. Ҳувайдо ягона духтари ин оила буд, хабар медиҳад Telegram-канал Life Shot. Ба гуфтаи Саидов, аз замоне, ки кормандони пулис ба ӯ дарёфти ҷасадро хабар додаанд, ӯ духтарашро надидааст.
Ӯ дар суҳбат ба Радиои Озодӣ гуфтааст: “Кӯдаки панҷсола чӣ гуноҳ дошт, ки ба ӯ чунин карданд? Ҳоло тафтиш мекунанд, намедонам чӣ мешавад. Мо ин ҷо ҳеҷ қадр надорем. Агар имконият бошад, сафорат ба мо кӯмак кунад, ки ҷасадро ба Тоҷикистон барем”.
Дар навбати худ намояндагии диплматии Тоҷикистон дар Русия оилаи духтарчаи фавтидаро ҳамаҷониба дастгирӣ намулда, барои ба ватан интиқол додани ҷасад ҳуҷҷатҳои зарурӣ таҳия мекунад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Гидрометцентр Таджикистана: в выходные в республике ожидаются сильные осадки
Замглавы МИД РФ: «Взаиморасчеты Таджикистана с Россией в рублях достигли 80%»
В Таджикистане сократили осенние, зимние и весенние каникулы для школьников
Президент Касым-Жомарт Токаев принял секретарей советов безопасности стран Центральной Азии
В Пенджикенте обнаружен замок VI-VIII веков
Эмомали Рахмон встретился с прокурорами стран Организации экономического сотрудничества
Цены на дизельное топливо в Центральной Азии и странах бывшего СССР
Армения и Азербайджан подписали протокол-описание отрезков делимитации
В реке в Гиссаре утонул подросток
В премьер-министра Словакии стреляли. Вице-премьер говорит, что угрозы жизни нет
Все новости
Авторизуйтесь, пожалуйста