Дар ошёнаи чаҳоруми бинои мақомоти шаҳрдории Кӯлоб қабулгоҳи ҷамъиятии Ваколатдор оид ба ҳуқуқи инсони ҶТ расман ба фаъолият оғоз кард.
Тавре ба ОИ «Азия-Плюс» роҳбари қабулгоҳ Саидаҳмад Азизов хабар дод, қабулгоҳ фаъолияти худро ҳанӯз аз 1-уми сентябр оғоз намуда буд, вале ба иллати таъмир дар бинои ҳукумат, танҳо ҳамин рӯз ба ҳуҷраи корӣ ворид шудаанд.
Ба қавли вай, дар давраи «беамалии маҷбурӣ» ӯ бо кормандони мақомоти ҳифзи ҳуқуқ семинари омӯзишӣ доир намуда, бо аҳолӣ мулоқотҳо доштааст ва тавассути телевизиони маҳаллӣ суханронӣ намуда, дар рӯзномаи минтақавии «Ҳақиқати Кӯлоб» низ мақола интишор сохтааст.
С.Азизов ноқулай будани ҷойгиршавии қабулгоҳ барои фаъолияти дифоъ аз ҳуқуқи инсонро эътироф намуда, изҳор кард, ки миёни муроҷиаткунандагон метавонанд афроде ҳузур дошта бошанд, ки маҳз аз мақомоти шаҳрдорӣ шикоят доранд. «Ҳамчунин дар масъалаи низоми иҷозати вуруд ба бино низ метавонанд мушкилотҳо пайдо шаванд, лекин ёфтани дигар бино алҳол муяссарамон нагардид», - гуфт номбурда.
Саидаҳмад Азизов яке аз ҳуқуқшиносони соҳибтаҷрибаи Кӯлоб маҳсуб гардида, то соли 2002 дар мақомоти прокуратура ва тайи 10 соли ахир ба ҳайси мушовири ҳуқуқии муассисаи шабакаҳои барқ фаъолият дошт.
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Мошинҳои калонҳаҷми боркаши Тоҷикистон мунтазири тартиби нави боркашонӣ тариқи Ӯзбекистон
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Кулли ахбор
Авторизуйтесь, пожалуйста