Вазорати меҳнат, муҳоҷират ва шуғли аҳолии Тоҷикистон дуюмин мақомоте ҳаст, ки аз муҳоҷирони тоҷик даъват кард то ба ҷанг нараванд. Қаблан сафорати Тоҷикистон дар Русия бо ин мазмун изҳорот дода буд.
Дар изҳороти вазорати меҳнат, ки имрӯз, 23 сентябр нашр шуд, гуфта мешавад, ки фармони президенти Русия «Дар бораи эълони қисман сафарбаркунӣ дар Федератсияи Россия» танҳо барои шаҳрвандони Русия амал мекунад ва ба шаҳрвандони Ҷумҳурии Тоҷикистон татбиқ намегардад.
Ин ниҳод ҳушдор додааст, ки кирдори мазкур тибқи моддаи 401 –и Кодекси ҷиноятии Тоҷикистон ҷавобгарии ҷиноятӣ ва маҳрум сохтан аз озодӣ ба муҳлати аз 12 то 20- солро пешбинӣ менамояд.
Вазорат, моддаи мазкурро аз Кодекси ҷиноятӣ иқтибос оварда гуфтааст, барои гирифтани маълумоти бештар шаҳрвандони кишвари мо метавонанд ба намояндагии ин вазорат дар шаҳрҳои Маскав, Санкт-Петербург, Краснодар, Уфа ва Екатеринбурги Русия муроҷиат кунанд.
Ин ниҳод, телефонҳои намояндагии Тоҷикистонро дар шаҳру навоҳии Русия овардааст, то муҳоҷирон барои дарёфти иттилои бештар ё мушкилот муроҷиат намоянд:
Ҳавзаи федералии марказӣ (Москва)
+7(495)967-98-44
+7(967)271-02-02
+7(965)724-90-21
+7(910)443-63-35
Ҳавзаи федералии ҷануб (Краснодар)
+7(901)344-77-77
Ҳавзаи федералии шимолу ғарбӣ (Санкт-Петербург)
+7(964)373-75-01
Ҳавзаи федералии Приволжий (Уфа)
+7(966)031-22-22
Ҳавзаи федералии Урал (Екатеринбург)
+7(982)739-89-98
Ёдовар мешавем, ки дирӯз, Владимир Путин дар Русия қисман сафарбаркунии ҳайати захираҳои ҳарбиро эълон кард, ки тибқи он 300 ҳазор нафар ба сафи артиши ин кишвар ҷалб мегардад.
Дар баробари ин, Думаи давлатии Русия тарҳи қонунеро қабул кард, ки тибқи он шаҳрвандони хориҷӣ метавонанд бо адои хидмат дар сафи артишиин кишвар, дар як сол, бо тартиби соддакардашуда, шаҳрвандии Русияро соҳиб шаванд.
Дар робита ба ин, бино ба навиштаи сомонаи расмии ҳукумати шаҳри Маскав, дар Маркази муҳоҷирати Сахарово барои қабули шаҳрвандони хориҷӣ ба хизмат дар сафи артиши Русия зерсохтори мукаммали мусоидати Вазорати мудофиа роҳандозӣ шуд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста