Барои мусоидат ба беҳбуди рақобатпазирии иқтисоди Тоҷикистон тавассути таъмини шароити убури зудтар, пешгӯишаванда ва пурсамари марзҳо, Бонки осиёгии рушд (БОР) ба Тоҷикистон дар ҳаҷми 9,2 млн. доллари ИМА бурс ҷудо мекунад.
Тавре ба ОИ «Азия-Плюс» аз намояндагии доимии БОР дар Душанбе хабар доданд, кӯмаки мазкур қисмате аз Лоиҳаи минтақавӣ оид ба такмили фаъолияти хадамоти марзбонӣ мебошад, ки Тоҷикистону Қирғизистонро фаро гирифта, ба суръатбахшии рушди тиҷорат дар фазои Ҳамкории иқтисодии минтақавии Осиёи Марказӣ (ЦАРЭС) ва ҳамкорӣ бо дигар кишварҳои ҷаҳон нигаронида шудааст.
Ба иттилои манбаъ, зимни амалисозии лоиҳа дар Тоҷикистон баҳри беҳбуди фаъолияти гузаргоҳи марзии «Гулистон», воқеъ дар роҳи мошингарди минтақавии Душанбе-Ӯш, бино ва иншооти зерсохтори санҷиш ва низоми обтаъминкуниву обу корез бунёд гардида, ҳамчунин гузаргоҳ бо таҷҳизоти зарурӣ таъмин хоҳад шуд.
«Барои ба тартиб овардани пешниҳоди маълумот оид ба савдову нақлиёт ва таъмини мутобиқати маълумот ба талаботи байнулмилалӣ, дар доираи лоиҳа аз бунёди низоми миллии «равзанаи ягона» низ дастгирӣ хоҳад шуд», - зикр карданд дар намояндагии БОР.
Қобили зикр аст, ки ҳукумати Тоҷикистон дар доираи маблағгузорӣ ҳамчун шарик ба ин лоиҳа 1,9 млн. $ маблағ ихтисос медиҳад. Анҷоми амалисозии лоиҳа соли 2017 дар назар аст. Вазорати рушди иқтисоду ва савдои ҶТ агентии иҷрокунанда ва Хадамоти гумруки назди ҳукумати ҶТИ – агентии амалисозии лоиҳа мебошанд.
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Кулли ахбор
Авторизуйтесь, пожалуйста