Солҳои наздик КВД «Тоҷиктрансгаз» ният дорад, ки аз Ёвон то Сарбанд як лӯлаи нави интиқоли газ бунёд кунад.
Тавре ба ОИ «Азия-Плюс» муовини аввали директори КВД «Тоҷиктрансгаз» Шавкат Шоимов хабар дод, масофаи лӯлаи интиқоли газ 60 километрро ташкил дода, соли оянда пас аз ҷудо шудани воситаҳои зарурӣ аз ҷониби давлат корҳои лоиҳакашии он оғоз мегарданд.
«Лӯлаи интиқоли гази дар Сарбанд мавҷудбудаи Қизилтумшуқ-Душанбе аз соли 1963 мавриди истифода ва дар ҳолати садамавӣ қарор дошта, гузашта аз ин, аз рӯйи релйефи номусоид мегузарад, ки ба талафоти зиёд боис мегардад ва дар ин робита, сохтмони лӯлаи нав аз Сарбанд то Ёвон зарур аст», - иброз дошт вай.
Ба қавли ӯ, лӯлаи нави интиқоли газ бо иқтидори пешакии то 1 млрд. метри мукааб бо лӯлаи интиқоли гази амалкунандаи Ёвон-Душанбе пайваст мешавад, ки аз соли 1986 мавриди истифода ва дар ҳолати хубтаре нисбат ба лӯлаи интиқоли гази Қизилтумшуқ-Душанбе қарор дорад.
«Ин пешниҳод ҳанӯз соли гузашта садо дода, аз ҷониби ҳукумат дастгирӣ ёфт. Мо имсол тарҳи фанниву иқтисодии сохтмонро таҳия мекунем. Барои сохтмони лӯлаи нави интиқоли газ ҳудуди 40-50 млн. доллари ИМА зарур аст. Албатта, барои сохтмон сармоягузор хоҳем ҷуст», - зикр карданд дар «Тоҷиктрансгаз».
Дар корхона умедворанд, ки то замони анҷоми сохтмони лӯлаи нав дар Тоҷикистон ҷараёни истихроҷи саноатии гази табиӣ оғоз хоҳад шуд. Қобили зикр аст, ки имсол аз Ӯзбекистон ба Тоҷикистон умуман гази табиӣ ворид нашудааст. Феълан гази табиӣ ва нафти худӣ ҳамагӣ камтар аз 5%-и талаботи кишварро қонеъ месозанд.
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Кулли ахбор
Авторизуйтесь, пожалуйста