Чанде қабл дар Душанбе вохӯрии раҳбарияти Саридораи геологияи назди ҳукумати Тоҷикистон бо намояндагони ширкати олмонии BGR – Идораи федеративӣ оид ба илмҳои геология ва маводи ашёи хоми Олмон баргузор шуд.
Тавре ба Азия-Плюс» аз Саридораи геологияи ҶТ хабар доданд, зимни мулоқот ҷонибҳо масъалаи рушди ҳамкориҳо дар доираи амалисози лоиҳаи «Захираҳои минералӣ барои рушд дар Тоҷикистон»-ро баррасӣ намуданд.
Бино ба маълумоти сомонаи ширкати BGR, амалисозии лоиҳа соли 2012 барои се кишвари минтақа – Тоҷикистон, Қазоқистон ва Қирғизистон оғоз гардида, анҷоми он моҳи марти соли 2015 дар назар аст.
«Ҳадаф аз амалисозии лоиҳа бештар фоидаовар кардани соҳаи геология барои кишварҳо буда, дар доираи ин лоиҳа махсус барои Тоҷикистон таҳия ва тартиб додани барномаи махсус оид ба ҳисобу китоби захираҳо пешбинӣ шудааст, ки аллакай миёни мутахассиони соҳа маъруфият касб кард», - гуфтанд дар Саридораи геология.
Дар сомонаи BGR ҳамчунин зикр мегардад, ки баҳри ошкор сохтани конҳои канданиҳои фоиданоки Тоҷикистон, ки аз нигоҳи иқтисодӣ ҷолиб мебошанд, ширкат як маҷмӯи чорабиниҳоро анҷом хоҳад дод, ки дар маркази таваҷҷуҳи сармоягузорони хориҷӣ қарор хоҳанд гирифт.
Қобили зикр аст, ки лоиҳаи «Захираҳои минералӣ барои рушд дар Тоҷикистон» аз ҷониби Ҷамъияти ҳамкории байнулмилалии Олмон (GIZ), German Committee on Eastern European Economic Relations (OA) дастгирӣ шуда, аз номи Вазорати федералии ҳамкории иқтисодӣ ва рушди Олмон (BMZ) амалӣ мешавад.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста