Ширкати ТВЕА-и Чин барои коркарди кони дуюми тилло дар вилояти Суғд иҷозатнома гирифт.
Ҳуқуқи истифода аз конҳо ба ширкати чинӣ ба он хотир дода шудааст, ки пулҳои дар бунёди Маркази барқу гармидиҳӣ (МБГ) Душанбе-2 харҷкардаашро баргардонад.
«Иҷозатномаи коркарди кони «Кумарғи Боло» ба ширкати ТВЕА аввали соли равон дода шуд», - хабар доданд ба «Азия-Плюс» аз Саридораи геологияи назди ҳукумати Тоҷикистон.
Қаблан ин ширкат ба коркарди захираҳои кони «Дуоба» дастрасӣ пайдо намуда буд. Ин конҳои тилло дар ноҳияи Айнии вилояти Суғд воқеъанд.
Бино ба иттилои манбаъ, тибқи созиши ҳосилшуда, ширкат ба истихроҷи металлҳои қиматбаҳо аз ин конҳо то замоне ҳуқуқ хоҳад дошт, ки пулҳои ба сохтмони МБГ Душанбе-2 харҷкардаашро ҷуброн кунад.
«Сипас имзои қарордоди нав бо ширкат дар мавриди истифодаи ин конҳо аллакай бо шартҳои дигар дар нақша аст», - илова кард сарчашмаи хабар.
Ширкати ТВЕА соли 2013 барои иҷрои корҳои иктишофи геологӣ дар конҳои «Дуоба» ва «Кумарғи Боло» иҷозатнома гирифт. Раҳбарияти Саридраи геология он вақт изҳор дошта буданд, ки баъди саҳеҳ кардани захирахои ин конҳо, ҳукумат дар бораи коркарди онҳо қарор қабул мекунад ва аз эҳтимол дур дониста намешуд, ки яке аз ин иҷозатномаҳоро ширкати ТВЕА мегирад.
Тибқи маълумоти ҳанӯз замони Иттиҳоди Шӯравӣ бадастомада, таркиби тилло дар конҳои «Кумарғи Боло» ва «Дуоба» беш аз 2 грамм дар 1 тонна маъданро ташкил медиҳад.
Қобили зикр аст, ки арзиши умумии МБГ Душанбе-2, ки аз ҷониби ширкати ТВЕА сохта шуд, 349 млн. долларро таашкил медиҳад, ки 17,4 млн. доллараш ҳиссаи ҳукумати Тоҷикистон аст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста