Дар шаҳри Тошканди Ӯзбекистон 25 апрел Намоишгоҳи байналмилалии саноатии «ИННОПРОМ» ифтитоҳ гардида, ҳайати Тоҷикистонро дар он вазири саноат ва технологияҳои нави ҷумҳурӣ Шералӣ Кабир раҳбарӣ мекунад.
Тавре ки бахши котиботи Вазорати саноат хабар медиҳад, барои ширкат дар намоишгоҳи мазкур зиёда аз 200 ширкати хориҷӣ ва ҳайатҳои тиҷоратӣ аз кишварҳои ИДМ, Фаронса, Италия, Нидерландия, Ҳиндустон, Ирландия ва Ҷопон сабти ном шудаанд. Инчунин ҳайатҳои расмӣ, аз ҷумла аз Русия, Тоҷикистон, Беларус, Қирғизистон, Озарбойҷон, Туркманистон ва Муғулистон иштирок мекунанд.
Гуфта мешавад, иқтидори саноатии Тоҷикистонро дар намоишгоҳи байналмилалии саноатии «ИННОПРОМ», зиёда аз 28 корхона, аз ҷумла «ТАЛКО», «Хуаксин семент», «Зиркон», «Фон- Ягноб», «Ғалла», «Рухом», «Асрори санг», «Вахдат текстайлз», «Ҷунтай Данғара Синсилу Текстайл», «Сифат саноат», «Атласи Хуҷанд», «Колинҳои Қайроққум», ҶCК «Гулистони Душанбе», «Амирӣ», «Оби зулол», «Сиёма», «Фасонак», «Ҷавонӣ», «Пиллаи Тоҷик», «Лаъл», «Акия Авесто», «Норд Азия Металл», «Зарри Суғд» ва дигароҳо муаррифӣ доранд.
Намоишгоҳи байналмилалии саноатии «ИННОПРОМ» бо баргузории ҷаласаи асосии «Осиёи Марказӣ: фазои пешрафти технологӣ» бо иштироки муовини Сарвазир – вазири сармоягузорӣ ва савдои хориҷии Узбекистон Сардор Умурзоқов, вазири саноат ва технологияҳои нави Тоҷикистон Шералӣ Кабир, вазири саноат ва савдои Русия Денис Мантуров, вазири саноати Беларус Петр Пархомчик ва вазири иқтисоди Арманистон Ваган Керобян ифтитоҳ ёфт.
Имрӯз охирин рӯзи кори намоишгоҳ буда, аз ин навор бо ҷараёни баргузории намоишгоҳ ва чӣ гуна будани гӯшаи Тоҷикистон дар он шинос шуда метавонед.
Вазири саноат ва технологияҳои нави Ҷумҳурии Тоҷикистон Шералӣ Кабир дар ҷараёни баргузории Намоишгоҳи байналмилалии саноатии «ИННОПРОМ» , ки се рӯз идома меёбад, ҷиҳати густариш додани ҳамкориҳо дар самти сармоягузорӣ, саноатӣ, тиҷоратию иқтисодӣ, инчунин ба роҳ мондани робитаҳои нави корӣ ва рушди ҳамкории саноатӣ миёни корхонаҳои кишварҳои Осиёи Марказӣ ва дигар давлатҳои хориҷи кишвар пурмуҳтаво суханронӣ намуд.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста