ҶСК НБО “Роғун” барои тезонидани корҳои бунёдӣ мутахассисон ва шаҳрвадонро аз вилояти Суғд ба кор даъват менамояд. Масъулини ин нерӯгоҳи бузурги барқи обӣ ба корҷӯёни суғдӣ ваъда карданд, ки аз 2,5 то 6 ҳазор сомонӣ маош пардохт намуда, бо ҷойи хоб, хӯрок ва либос таъмин мекунанд.
Дар ин бора Сайдулло Абдуаҳадзода, сардори Раёсати кадрҳои ҶСК НБО “Роғун” зимни баргузории ярмаркаи ҷойҳои кории холӣ дар шаҳри Хуҷанд иттилоъ дода, таъкид намуд, ки бо сабаби тезонидани кор дар ин иншооти бузург тасмим гирифтаанд, ки нафарони корҷӯй ва мутахассисонро ба кор ҷалб намоянд.
“Айни замон дар НБО “Роғун” 12 ҳазор нафар кор мекунанд. Аз сабаби зиёд шудани ҳаҷми корҳои сохтмонӣ бо супориши роҳбари давлат бояд теъдоди кормандон то соли 2023 ба 20 ҳазор нафар расонида шавад. Имрӯз НБО “Роғун” ба ихтисосҳои ронанда, гидротехник, энергетик ва ба дигар мутахассисони сохтмон ниёз дорад”, - гуфт Сайдулло Абдуаҳадзода.
Ӯ ҳамчунин, зикр намуд, ки айни ҳол аз вилояти Суғд дар НБО “Роғун” 300 нафар кор мекунанд ва дар ин ярмарка зиёда аз 2,5 ҳазор ҷойҳои корӣ ба корҷӯён пешниҳод карда шуд.
Тавре ки қайд гардид, чунин ярмаркаҳо дар дигар минтақаҳои кишвар низ гузаронида мешавад. То имрӯз дар шаҳри Душанбе ду маротиба ярмарка доир гашта, 2 ҳазор нафар ба кор қабул карда шудаанд.
Тибқи иттилои Раёсати Агентии меҳант ва шуғли аҳолии вилояти Суғд давоми 11 моҳи соли равон дар ҳудуди вилоят 280 маротиба ярмаркаи ҷойҳои кории холӣ ва вазифаҳои озод баргузор гардида, дар он 5200 нафар шаҳрвадон ба кор ҷалб гардидаанд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста