Шабонарӯзи гузашта 5 ҳодисаи садамаи нақлиёт дар ҷумҳурӣ ба қайд гирифта шуд, ки бар асари онҳо 5 нафар, аз ҷумла ду нафар ноболиғон ба ҳалокат расиданд.
Бино ба иттилои маркази матбуоти ВКД ҶТ, рӯзи 22 июн ронандаи автомашинаи тамғаи “Митсубиси-Паҷеро”, марди 52-солаи сокини шаҳри Кӯлоб ҳангоми ҳаракат аз самти ноҳияи Ховалинг ба самти шаҳри Кӯлоб наздики фурудгоҳи байналмилалии шаҳри Кӯлоб, дар ҳудуди деҳаи Навобод аз ӯҳдаи идораи воситаи нақлиёт набаромада, ба канори роҳ чаппа шудааст, ки дар натиҷа худи ронанда ҷароҳатҳои вазнини ҷисмонӣ бардошта, ҳангоми ба беморхона бурдан, дар роҳ ба ҳалокат расидааст.
Ронандаи автомашинаи тамғаи “Опел-Вектра”, марди 40-солаи сокини Ҷумҳурии Қирғизистон ҳангоми ҳаракат бо роҳи автомобилгарди Исфара-Боткент, дар ҳудуди ноҳияи Исфара бехатарии ҳаракати роҳро таъмин карда натавониста, ба мотороллери тамғаи «Т-200», таҳти идораи ронанда, марди 47-солаи сокини ноҳияи Исфара бархӯрдааст. Дар натиҷа ронандаи мотороллер ҷароҳати вазнини ҷисмонӣ бардошта, дар беморхона ба ҳалокат расидааст.
Ронандаи автомашинаи тамғаи “БМВ-560”, марди 33-солаи сокини ноҳияи Бобоҷон Ғафуров ҳангоми ҳаракат бо кӯчаи Фахрӣ дар рӯ ба рӯи бинои истиқоматии №4-и ҳамин ноҳия бехатарии ҳаракати роҳро таъмин карда натавониста, велосипедрон, марди 32-соларо пахш намудааст. Дар натиҷа велосипедрон дар беморхона ба ҳалокат расидааст.
Ронандаи автомашиани тамғаи “Хова”, марди 49-солаи сокини шаҳри Қӯрғонтеппа, ҳангоми ҳаракат бо кӯчаи Ҳ.Шерозии шаҳри Душанбе аз самти кӯчаи Хуҷамбиёи-поён ба самти кӯчаи Нодира, дар рӯ ба рӯи маҳаллаи Хуҷамбиёи-боло, аз уҳдаи идораи воситаи нақлиёт набаромада, пиёдагарди ноболиғ, писарбачаи 5-сола истиқоматкунандаи ноҳияи Варзоб, деҳаи Чорбоғро пахш намудааст. Дар натиҷа охирон ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
Ронандаи автомашинаи тамғаи “ВАЗ-2106”, марди 24-солаи сокини шаҳри Душанбе, ҳангоми ҳаракат аз самти кӯчаи Айнӣ ба самти кӯчаи Ховарон, дар рӯ ба рӯи бинои №93-и кӯчаи Хайробод аз уҳдаи идораи воситаи нақлиёт набаромада, пиёдагарди ноболиғ, писарбачаи 4-солаи сокини ноҳияи Рӯдакиро пахш намудааст. Дар натиҷа писарбача ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Кулли ахбор
Авторизуйтесь, пожалуйста