Конибодом. 5-уми июл. ОИ «Азия-Плюс» - Корхонаи пахтатозакунии
Конибодом тавсияҳои экологҳои маҳаллиро нодида мегирад. Сармутахассиси шӯъбаи шаҳрии ҳифзи табиат Алиҷон Шехов мегӯяд, ки мувофиқи қонунҳои амалкунанда ҳамаи корхонаҳои истеҳсолӣ ё коркард бояд аз ташхиси ҳатмии давлатии экологӣ гузаранд, вале Ҷамъияти саҳомии «Ҳабиб» (корхонаи пахтатозакунӣ) то ҳол ин нишондодро иҷро накардааст.
«Ҳангоме ки нишондодҳои чандинкаратаи мо иҷро нагардиданд, мо корхонаро тамға зада, фаъолияти онро боздоштанӣ шудем, вале роҳбарони он худсарона ба он итоат накарданд, - таъкид сохт ӯ. - Мо маҷбур шудем, ки ба мақомоти ҳифзи ҳуқуқ муроҷиат намоем ва айни замон онҳо ин қазияро баррасӣ мекунанд».
Ба гуфтаи ӯ, дар нимсолаи аввал 129 далели ғайриқонунии истифодаи захоири заминӣ, олудасозии обу ҳаво, буридани дарахтон ва ғайра ошкор шудаанд, ки дар натиҷа қонуншиканон ба маблағи 10 ҳазору 390 сомонӣ ҷарима баста шуда, 22 санад ба мақомоти ҳифзи ҳуқуқ ва 17 санад ба комиссияҳои маъмурии ҳокимияти маҳаллӣ пешниҳод гардидааст.
«Моро буридани дарахтон ва қамишзорони соҳили обанбори Қайроққум аз ҷониби аҳолӣ ба ташвиш овардааст, - гуфт ӯ. - Бар асари он моҳиҳои Сирдарё аз макони тухммонӣ маҳрум шуда истодаанд ва барои пешгирии ин ҳодисаи номақбул имрӯзҳо мо бо фаъолони ҷамъиятҳои шикорчиён ва моҳидорон амалиётҳои боздоштӣ ва корҳои фаҳмондадиҳӣ мегузаронем».
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста