Ба дидори ҳимоятгар бо раиси бахши ҲНИТ дар Хоруғ Шерик Карамхудоев, ки зимни амалиёти нерӯҳои ҳукуматӣ алайҳи гурӯҳҳои ҷиноятпеша дар Хоруғ боздошт шуда буд, иҷозат дода шуд.
Тавре ба ОИ «Азия-Плюс» ҳимоятгари боздоштшуда Бобохон Яъқубов иттилоъ дод, зимни боздошт дар Хоруғ ва то интиқол ба Душанбе нисбат ба зерҳимояи ӯ аз шиканҷа кор гирифта шудааст.
«Ба гуфтаи зерҳимояам, пас аз интиқол ба тавқифгоҳи тафтишотии КДАМ ба Душанбе то имрӯз нисбати ӯ ҳеҷ амали номуносиб раво дида нашуда, мавриди шиканҷа қарор нагирифтааст ва табибон низ ӯро назорат мекунанд», - таъкид кард ҳимоятгар.
Ҳимоятгар иттилоъ дод, ки нисбати Ш.Карамхудоев мутобиқи моддаҳои 187 (Ташкили гурӯҳи ҷиноӣ) ва 195 (Ғайриқонунӣ соҳиб шудан, ба дигарон додан, ба соҳибияти каси дигар додан, нигоҳ доштан, интиқол додан, гирифта гаштани яроқ, лавозимоти ҷангӣ, моддаҳои тарканда ва воситаҳои таркиш)-и КҶ ҶТ парвандаи ҷиноӣ боз шудааст.
«Аммо зерҳимояи ман ин айбномаҳоро қотеъона рад намуда, изҳор мекунад, ки пас аз оғози амалиёти низомӣ дар Хоруғ 24-уми июл ӯ муддати панҷ рӯз дар чердаки боми яке аз хонаҳо пинҳон шуда будааст», - иброз дошт Б.Яъқубов.
Бобохон Яъқубов изҳори боварӣ намуд, ки минбаъд барои дидору гуфтугӯ бо зерҳимояаш монеа эҷод нахоҳанд кард, зеро инро ба ӯ дар Прокуратураи генералӣ ваъда додаанд.
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Мошинҳои калонҳаҷми боркаши Тоҷикистон мунтазири тартиби нави боркашонӣ тариқи Ӯзбекистон
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кулли ахбор
Авторизуйтесь, пожалуйста