Дар мурофиаи навбатии судӣ соҳибкор Зайд Саидов ба нишони эътироз аз суд дархост намуд, ки минбаъд парвандаи ҷиноии ӯ бидуни ҳузури худаш дар толори суд баррасӣ шавад.
Шуҳрат Қудратов, адвокати соҳибкор ба ОИ «Азия-Плюс» дар ин робита хабар дод, ки баъди аз ҷониби суд рад шудани ташсиси такрории ДНК-и кӯдак, ки ба эҳтимоли падар будани ӯ ба ин кӯдак соҳибкорро гунаҳкор мекунанд, ӯ ба чунин қарор омадааст.
Ба қавли адвокат, Саидов аз якҷонибаву ғайривоқеӣ ва бидуни риояи муқаррароти Кодекси мурофиавии ҷиноятӣ баррасӣ шудани парвандааш норозигӣ изҳор намудааст.
«Ба нишони эътироз ӯ имрӯз аз суд дархост намуд, ки натанҳо бидуни ҳузури худаш парванда баррасӣ шавад, балки ҷониби ҳимояи ӯ низ дар суд иштирок накунад, зеро мурофиаи тамоили гунаҳкориро пайдо карда, ба ӯ барои ҳимоят аз худ имкон намедиҳанд», - гуфт Қудратов.
Рӯзи сешанбе ҷониби ҳимоя аз суд дархост намуд, ки ташхсиси ДНК-и кӯдак такроран баргузор гардад, зеро адвокатҳои соҳибкор ба қонунӣ будани хулосаи ташхиси дар маводи парванда вуҷуддошта шубҳа доранд. «Ташхиси аввали ДНК бидуни риояи Кодекси мурофиавии ҷиноятии ҶТ гузаронида шуд, чунки аз зерҳимояи мо мавод барои ташхиси генетикии ДНК гирифта нашуда буд», - мегӯяд ҳуқуқшинос.
Имрӯз ҳам суд бо сабаби дар парванда аллакай мавҷуд будани хулосаи ташхиси генетикии ДНК, баргузор намудани ташхиси такрориро рад кард.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста