Дар суди шаҳри Хуҷанд мурофиаи додгоҳӣ нисбати боз ду узви гурӯҳи муташаккили ҷиноятпешаи «Абрешимчӣ» оғоз гардид.
Тавре ба «Азия-Плюс» аз суди мазкур хабар доданд, онҳо дар содир намудани ҷиноят мутобиқи моддаи 250, қ 2, бандҳои «б» ва «в» (Тамаъҷӯӣ бо истифодаи зӯроварӣ аз ҷониби гурӯҳи шахсон бо маслиҳати пешакӣ) гумонбар дониста мешаванд.
Ба иттилои манбаъ, судшавандагон аввали соли равон аз ҷониби кормандони Кумитаи давлатии амнияти миллии ҷумҳурӣ дар вилояти Суғд боздошт шуда буданд. Ҷузъиёти дигари қазия ифшо нагардид.
Зимнан зикр гардид, ки гурухи муташаккили ҷиноятпешаи «Абрешимчӣ» дар байни сокинони маҳаллаи «Абрешимчӣ»-и шаҳри Хуҷанд ва гирду атрофи он худро ҳамчун узви лашкарони ислом муаррифӣ менамуданд. Онҳо бо мақсади тарсонидани аҳолӣ дар қафаси синаашон аксҳои моҳу ситора ва шерро нақшбандӣ карда, ба ҷиноятҳои тамаъҷӯию авбошӣ ва суиқасд ба куштор машғул буданд.
Бино ба маълумоти шуъбаи робита бо ҷомеаи КДАМ ҶТ, аъзои боқимондаи гурӯҳ Абдумаҷид Халилов, Набиҷон Собиров ва Зоҳирҷон Бобоев моҳи ноябри соли гузашта аз ҷониби суди шаҳри Хуҷанд мутобиқи моддаи 250-и Кодекси ҷиноии ҷумҳурӣ (Истифодаи зӯроварӣ бо мақсади фоида ба даст овардан бо маслиҳати пешакӣ) гунаҳкор дониста шуда, Бобоев ба 11 сол ва Халилову Собиров ҳар кадоме ба 10 соли зиндон маҳкум карда шуда буданд.
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Кулли ахбор
Авторизуйтесь, пожалуйста