Прокуратураи шаҳри Душанбе нисбати Диловар Гулови 26-сола, писари собиқ вазири энергетика ва саноати Тоҷикистон Гул Шералӣ парвандаи ҷиноӣ боз намуд.
Тавре ба «Азия-Плюс» як манбаъ аз мақомоти прокуратураи Тоҷикистон хабар дод, парванда мутобиқи моддаи 237, қисми 3-и Кодекси ҷиноии Тоҷикистон (Авбошӣ бо истифодаи яроқ ё предмети ба сифати яроқ истифодашаванда) оғоз гардидааст.
«Ӯ ва чор нафар дӯстонаш, ки шоми рӯзи 8 июл дар лату кӯби афсари милитсияи 33-сола, корманди Раёсати мубориза бо ҷинояткории муташаккили ВКД Тоҷикистон Дилшод Нарзуллозода даст доштанд, ба ҳабс гирифта шуданд», - иттилоъ дод манбаъ.
Қобили зикр аст, ки барои содир намудани ҷиноят бо аломатҳои моддаи дар боло зикршуда таъини ҷазои аз 5 то 7 соли зиндон пешбинӣ мешавад.
Муноқиша миёни афсари милитсия ва Диловар Гулов шоми рӯзи 8 июл дар яке аз хиёбонҳои марказии шаҳри Душанбе ба вуқӯъ пайваст. Афсари милитсия мошинро боздошта, ба Гулов эрод мегирад, ки ӯ барои ҳаракати ронандагони дигар монеъа эҷод карда истодааст ва барои ин эродаш лату кӯб мешавад.
Пас аз муноқиша Гулов пинҳон шуда, мавриди ҷустуҷӯ эълон шуд, лекин рӯзи дигар худаш барои додани баёнот ба милитсия омад. Баъди бозпурсӣ таҳти баёноти тарк накардани манзил ӯ ҷавоб дода шуд.
Корманди милитсияи латукӯбшуда бо ҷароҳатҳои сатҳи миёна ба Маркази миллии тиббӣ оварда шуда, айни замон дар он ҷо муолиҷа мегирад. Бинии афсари милитсия шикаста, косахонаи сар ва манаҳаш ҷароҳат гирифтааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста