Барои иштирок дар мурофиаи бозбинии парвандаи ҳукми қаблан содиршуда нисбати рӯзноманигор ва роҳбари дастаи «КВН Тоҷикистон» Хайрулло Мирсаидов субҳи имрӯз назди бинои суди вилоят намояндагони Иттиҳоди Аврупо, сафорати ИМА, ташкилотҳои ҷамъиятӣ, журналистон ва аъзои оилаи Мирсаидов – дар маҷмӯъ наздики 25 нафар ҷамъ омаданд.
Аммо пеш аз оғози мурофиаи судӣ котиби суд назди ҳозирин баромада, изҳор намуд, ки баргузории ҷаласа мавқуф гузошта мешавад.
Ӯ шарҳ дод, ки дар ҷараёни омодагӣ ба ҷаласа маълум шудааст, ки яке аз се нафар судяҳои ҳайати мушовара дар музокирот ва қабули қарори суди зинаи аввал иштирок кардааст. Бар ин асос ҳайати мушовара (коллегия) тасмим гирифтааст, ки ин судяро иваз мекунад. Судяи нав, дар навбати худ, бояд бо маводи парвандаи шинос шавад, ки ин вақтро металабад.
Мурофиа оид ба баррасии шикояти таҷдиди назар дар мавриди ҳукми суд нисбати Хайрулло Мирсаидов рӯзи 22 август соати 10:00 оғоз мегардад.
Дар ҳамин ҳол, тавре адвокатҳои Мирсаидов қайд карданд, мувофиқи регламент, зимни баррасии шикояти таҷдиди назар (кассатсионӣ) се нафар судяҳо иштирок мекунанд, ки яке аз онҳо вазифаи гузоришгарро иҷро мекунад.
«Лекин маълум шуд, ки гузоришгари ҳозира қаблан дар содир шудани қарори боздошт ва ба ҳабс гирифтани Мирсаидов иштирок доштааст. Мувофиқи қонунгузории Тоҷикистон, ин судя ба баррасии шикояти таҷдиди назар ҳуқуқ надорад», - гуфтанд онҳо.
Ин ҷо як масъала нофаҳмо боқӣ мемонад: чаро маҳз ҳамин рӯз маълум шудааст, ки як нафар аз судяҳо дар мавриди содир шудани қарори боздошт ва ҳабси Мирсаидов иштирок кардааст?
Ёдрас мекунем, ки суди шаҳри Хуҷанд санаи 11 июл рӯзноманигор ва роҳбари дастаи «КВН Тоҷикистон» Хайрулло Мирсаидовро ба 12 соли зиндони низомаш шадид маҳкум намуд. Пас аз содир шудани ҳукми суд оилаи ба сифати ҷуброни зиёни муайяншуда аз ҷониби мақомоти тафтишотӣ ба нафъи давлат 124 ҳазор сомонӣ маблағ пардохт намуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста