Як манбаъ аз Додгоҳи вилояти Хатлон ба “Азия-Плюс” хабар дод, ки имрӯз, 4 август гумонбарон дар парвандаи куштори оилаи Маҳмадовҳо дар ноҳияи Ҷайҳун зимни ироаи ҳарфи охирин худро бегуноҳ дониста, аз додрас хоҳиш кардаанд, ки онҳоро сафед кунад.
“Ҳар се судшаванда Қиёмиддин Насриддинов, Маҳмадғаюр Хайбуллоев ва Адолат Шерматов дар куштори оилаи Маҳмадовҳо зимни сухани охиринашон худро бегуноҳ гуфтанд”,- гуфт манбаъ.
Вай афзуд, мурофиаи додгоҳӣ дар робита ба ин парванда ба анҷом расид ва раисикунандаи мурофиа Хусрав Холдорзода, додраси Додгоҳи вилояти Хатлон барои додани баҳои ҳуқуқӣ ба хонаи машваратӣ рафт.
Интизор меравад, ки бегоҳии имрӯз, 4 август аз ҷониби додгоҳ ҳукми гумонбарони ин парванда хонда шавад.
Ёдовар мешавем, ки чанд рӯз пеш, айбдоркунандаи давлатӣ ба Маҳмадғаюр Хайбуллоев ва Қиёмиддин Насриддинов, ки ҳар ду дар ин куштор гунаҳгор дониста мешаванд, ҳукми абад ва ба гумонбари сеюм Адолат Шерматова, зани Қиёмиддин Насриддинов 30 соли зиндон талаб карда буд.
Ёдовар мешавем, ки қаблан ҳар се айбдоршаванда аз баёноте, ки дар рафти тафтишоти пешакӣ дода буданд, даст кашида, баёноташон бо истифодаи шиканҷа гирифта шудааст.
Бояд гуфт, ки дар додгоҳи вилояти Хатлон чандест баррасии парвандаи пурсарусадоии куштори панҷ узви як хонавода дар ноҳияи Ҷайҳуни ин вилоят ҷараён дорад. Ин ҳодиса яке аз ҳодисаҳои пурсарусадои солҳои ахир дар вилояти Хатлон аст.
Дар робита ба ин ҳодиса Маҳмадғайюр Ҳайбуллоев, Қиёмиддин Насриддинов ва Адолат Шерматова, ҳамсари Қиёмиддин Насриддинов ба одамкушӣ, сӯиқасд ба одамкушӣ, қасдан несту нобуд ё вайрон кардани молу мулк ва дуздӣ айбдор карда мешаванд.
Қаблан Вазорати корҳои дохилаи кишвар видеоеро вобаста ба ин ҷиноят нашр кард. Дар ин навори видеоӣ сокинони ҳамин ноҳия Қиёмиддин Насриддинов ва Маҳмадғайюр Ҳайбуллоев нақл карданд, ки чӣ гуна ин кушторро содир кардаанд.
Ҳамчунин, ҳамсари Маҳмадов, Латофат Азизова ва як писараш, ки зинда монданд, гумонбаронро шинохтанд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста