Рӯзи 15-уми май дар шаҳри Маскав бахшида ба 20-умин солгарди имзои Шартнома дар бораи амнияти дастаҷамъӣ ва 10-умин солгарди таъсиси Созмони аҳдномаи амнияти дастаҷамъӣ иҷлосияи ғайринавбатии ҷашнии Шӯрои амнияти дастаҷамъӣ ва ҷаласаи ғайрирасмии Шӯрои сарони кишварҳои узви Иттиҳоди Давлатҳои Мустақил баргузор мешавад.
Дар нишастҳои мазкур аз иштироки президенти Тоҷикистон интизорӣ меравад. Бино ба маълумоти як манбаъ аз ҳукумати ҷумҳурӣ, дар ҳошияи сафари президент ба Маскав баргузории вохӯриҳои дуҷониба алҳол дар назар нест.
Тавре хадамоти матбуоти СААД хабар медиҳад, дар ҷаласаи Шӯрои амнияти дастаҷамъӣ баррасии масоили таҳдиду чолишҳои ҷаҳонӣ ва минтақавӣ ба кишварҳои узви созмон ва андешидани тадбирҳои мубориза ва истодагрӣ бо онҳо дар назар аст.
Ба иттилои манбаъ, сарони кишварҳои узви СААД аз фаъолияти созмон дар тӯли солҳои 2002-2012 натиҷагирӣ намуда, самтҳои афзалиятноки рушди минбаъдаи созмонро баррасӣ мекунанд. Котиби генералии СААД Николай Бордюжа маърӯза хоҳад кард.
Шартнома дар бораи амнияти дастаҷамъӣ 15-уми майи соли 1992 дар Тошканд ба имзо расида, Оинномаи СААД 18-уми сентябри соли 2003 мавриди амал қарор гирифт. Давлатҳои Арманистон, Белорус, Қазоқистон, Қирғизистон, Русия, Тоҷикистон ва Ӯзбекистон узви СААД мебошанд.
Аҳднома миёни Тоҷикистону Қирғизистон. Президентҳо ҳамдигарро табрик карданд
“Хандасарой” - и Холиқназар Ҷумъазода чоп шуд
Ҷаримаи волидони хонандагони мактаби Душанбе барои паст задани шаъну эътибори омӯзгор
Роҳбари ФСБ Русия: “Дар робита ба қазияи “Крокус” зиёда аз 20 нафар боздошт шуданд”
Рақибони тими миллии футзали Тоҷикистон дар Ҷоми ҷаҳон-2024 маълум шуд
Аввалин гурӯҳи зойирини Тоҷикистон ба ҳаҷ рафтанд
Ҳосил каму нархҳо баланд. Дар Тоҷикистон имсол ҳосили гелос хеле кам аст
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
Кулли ахбор
Авторизуйтесь, пожалуйста