Сафари расмии президенти тозаинтихоби Эрон Ҳасани Рӯҳонӣ ба Тоҷикистон аввали моҳи ноябр дар назар аст.
Тавре ба ОИ «Азия-Плюс» як манбаъи огаҳ аз ҳукумати ҷумҳурӣ иттилоъ дод, ҳадаф аз сафари мазкур таҳкими муносибатҳои иқтисодии Тоҷикистону Эрон унвон мешавад ва дар гуфтушунидҳо маҳз ба ҳамин масъала таваҷҷуҳи хосса зоҳир хоҳад шуд.
Ба иттилои манбаъ, дар Тоҷикистон бо дастгирии молиявии Эрон иншооти бузурге бунёд шуда истодаанд, ки сарони кишварҳо дар ин маврид табодули назар хоҳанд кард. «Дар гуфтушунидҳо баррасии мушкилоти комилан ба анҷом расонидани сохтмони нақби «Истиқлол» ва пурра мавриди истифода қарор гирифтани нерӯгоҳи «Сангтӯда-2» аз эҳтимол дур нест», - гуфт манбаъ.
Ғайр аз ин, Эрон дар амалисозии лоиҳаҳо дар бахши нақлиёт дар Тоҷикистон манфиатдор аст. Дар ин самт метавон аз лоиҳаи сохтмони роҳи оҳани Чин-Қирғизистон-Тоҷикистон-Афғонистон-Эрон ном бурд, ки аввали ҳафтаи равон ин масъала мавриди барррасии сарони кишварҳои Тоҷикистону Афғонистон дар Душанбе қарор гирифта буд.
Қобили зикр аст, ки тӯли моҳҳои январ-сентябри соли ҷорӣ ҳаҷми муомилоти молӣ миёни Тоҷикистону Эрон 229 млн. 575,8 ҳазор доллари ИМА-ро ташкил дод, ки нисбат ба ҳамин давраи соли гузашта 33% бештар аст. Дар зарфи 9 моҳ ҳаҷми содирот ба 95,7 млн. $ ва воридот аз Эрон ба 133,8 млн. $ баробар шуд.
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Аз сабти онлайни расона то 60% муҳтавои ватанӣ ва забони ишора. Тарҳи қонуни нави ВАО чӣ дорад?
Боздошти нозири минтақавии ШВКД Қубодиён ба гумони порагирӣ
Ду рӯзи наздик дар Тоҷикистон борону жола меборад
Барои рушди бахши роҳи оҳани Тоҷикистон 7,5 млрд доллар маблағгузорӣ пешбинӣ шудааст
Чин ба сохтмони неругоҳҳои офтобӣ дар Тоҷикистон 400 млн доллар маблағгузорӣ мекунад
Дар радабандии рақобатпазирӣ дар бахши сайёҳӣ нишондиҳандаҳои Тоҷикистон каме беҳтар шуданд
Раиси дастгоҳи Иброҳим Раисӣ ҷузъиёти суқути чархболро шарҳ дод
Тайи 1 шабонарӯз дар обҳои Тоҷикистон 2 нафар ғарқ шуданд
Кулли ахбор
Авторизуйтесь, пожалуйста