Зимни суханронӣ дар маҷлиси нахусти ҳукумати ҷумҳурӣ бо ҳайати нав президенти Тоҷикистон Эмомалӣ Раҳмон изҳор намуд, ки бо таъмини иҷрои самараноки Стратегияи баланд бардоштани сатҳи некӯаҳволии мардум сатҳи камбизоатӣ дар ҷумҳурӣ то соли 2015-ум 30 фоиз ва то соли 2020 ба ба 20 фоиз коҳиш меёбад.
Бино ба иттилои хадамоти матбуоти сарвари давлат, Эмомалӣ Раҳмон зикр кард, ки дар ин раванд пешбинӣ мегардад, ки дар натиҷаи татбиқи афзалиятҳои миллӣ иқтисоди мамлакатамон дар соли 2020 беш аз 80 фоиз афзуда, рушди босуботи Тоҷикистон таъмин карда шавад.
«Маҷмӯи маҳсулоти дохилии мамлакат то соли 2020 ба ҳар сари аҳолӣ бояд якуним –ду баробар афзоиш ёфта, вазни қиёсии даромад ва хароҷоти ҷории буҷети давлатӣ нисбат ба маҷмӯи маҳсулоти дохилӣ ба 25 фоиз ва маблағгузории соҳаҳои иҷтимоӣ аз 12 то ба 16 фоизи маҷмӯи маҳсулоти дохилӣ расонида мешавад», - иброз дошт ӯ.
Ба гуфтаи сарвари давлат, бо амалӣ намудани тадбирҳои зикршуда имкон пайдо хоҳад шуд, ки музди меҳнати кормандони соҳаҳои буҷетӣ, нафақа ва стипендия аз дуюним то се баробар зиёд карда шавад.
Дар суханронии президенти мамлакат таъкид шуд, ки ҳукумат ва сохтору мақомоти дахлдори он вазифадоранд, ки бо мақсади таҷдиду азнавсозӣ кардани инфрасохтори шаҳраку деҳот дар муҳлатҳои наздиктарин барномаи “Рушди деҳот”-ро таҳия ва барои баррасӣ пешниҳод намоянд.
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Аз сабти онлайни расона то 60% муҳтавои ватанӣ ва тарҷумаи имову ишора. Тарҳи қонуни нави ВАО чӣ дорад?
Боздошти нозири минтақавии ШВКД Қубодиён ба гумони порагирӣ
Ду рӯзи наздик дар Тоҷикистон борону жола меборад
Барои рушди бахши роҳи оҳани Тоҷикистон 7,5 млрд доллар маблағгузорӣ пешбинӣ шудааст
Чин ба сохтмони неругоҳҳои офтобӣ дар Тоҷикистон 400 млн доллар маблағгузорӣ мекунад
Дар радабандии рақобатпазирӣ дар бахши сайёҳӣ нишондиҳандаҳои Тоҷикистон каме беҳтар шуданд
Раиси дастгоҳи Иброҳим Раисӣ ҷузъиёти суқути чархболро шарҳ дод
Тайи 1 шабонарӯз дар обҳои Тоҷикистон 2 нафар ғарқ шуданд
Кулли ахбор
Авторизуйтесь, пожалуйста