Ба баргузории конфронси матбуотӣ, ки субҳи имрӯз Раҳматилло Зойиров, раиси Ҳизби сотсиал-демократии Тоҷикистон доир карданӣ буд, имкон дода нашуд. Як гурӯҳи занон ба толори барои конфронси матбуотӣ таъингардида ворид шуда, Р.Зойировро ба кӯшиши ташкили ҷанги нави шаҳрвандӣ дар Тоҷикистон айбдор намуданд.
Роҳбари ҲСДТ журналистонро барои маълумот додан аз сафараш ба Украина, муддати ду рӯз дар Евромайдон қарор доштану шахсан мушоҳида кардани рӯйдодҳо дар майдони марказии шаҳри Киев гирдиҳам оварда буд.
Занони ба толор воридшуда раиси ҲСДТ-ро ба хоҳиши муташанниҷ сохтани вазъ дар кишвар, даъвати ӯ аз ҳама бобати муттаҳид шудан баҳри мубориза бо мақомоти раҳбарии кунунии ҷумҳурӣ муттаҳам карданд. «Мо президенти худ Эмомалӣ Раҳмонро интихоб кардем, вале шумо баринҳо таблиғоти зиддуҳукуматӣ мебаред», - гуфтанд занон, ки аз манзилҳои зисти назди дафтари кории ҲСДТ буданд.
Ғайр аз ин, яке аз занон Зойировро ба сар задани рӯйдодҳои тобистони соли гузашта дар шаҳри Хоруғ ва марги ҳамсараш дар он, ки шояд дар амалиёти низомии махсус алайҳи гурӯҳҳои ғайриқонунии мусаллаҳ дар ВМКБ иштирок дошт, гунаҳкор донист.
Гурӯҳи занон ба гунаҳкор намудани Зойиров идома доданд ва ӯ маҷбур шуд, ки мавқуф гузошта шудани конфронси матбуотиро эълон намояд. «Шумо метавонед тариқи телефон ба ман занг занед ё мо вохӯрии дигар созмон медиҳем, то ки дар бораи рӯйдодҳои Украина суҳбат кунем», - иброз дошт раиси ҲСДТ.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста