Рӯзи 19 марти соли 2014 дар ш. Брюссел дар бинои Парлумони Аврупо ба муносибати ҷашнгирии Иди байналмилалии Наврӯз муаррифии китоби Президенти Ҷумҳурии Тоҷикистон Эмомалӣ Раҳмон таҳти унвони “Тоҷикон дар оинаи таърих” ба забони фаронсавӣ баргузор гардид.
Бино ба иттилои Вазорати корҳои хориҷии ҷумҳурӣ, китоби мазкур бори аввал ба забони фаронсавӣ 10 марти соли 2014 нашр карда шуда, аз ду ҷилд иборат аст.
Ба иттилои манбаъ, дар чорабинӣ вакилони Парлумони Аврупо ва мушовирони сиёсии онҳо, доираҳои илмӣ, муаррихон, шарқшиносон ва фарҳангшиносони аврупоӣ, намояндагони воситаҳои ахбори омма ширкат варзиданд.
Гуфта мешавад, корманди масъули Осорхонаи шоҳаншоҳии санъат ва таърихи Шоҳигарии Белгия, доктори илмҳои таърих ва ҳафриётшиносӣ, профессори Донишгоҳи Гент Бруно Оверлет ҳамчун муҳаррири китоби мазкур ба ҳозирин дар бораи мӯҳтавои умумии китоб, ки таърихи тоҷиконро аз Ориён то Сомониён инъикос менамояд, маълумоти муфассал пешниҳод кард. Ӯ ҷабҳаҳои таъриху фарҳанги бойи мардуми тоҷикро ба намояндагони Парлумони Аврупо шарҳ дода, махсусан қайд намуд, ки ҳоло дар Тоҷикистон бисёр мавзеъҳои таърихӣ ва тамошобоб хеле хуб маҳфуз мондаанд ва ҷолиби диққати сайёҳони сершумор, таърихшиносон ва ҳафриётшиносони аврупоиву амрикоӣ ҳастанд.
Зикр мегардад, ки иштирокчиёни чорабинӣ ба асари Президенти Тоҷикистон Эмомалӣ Раҳмон баҳои баланд дода, таъкид сохтанд, ки он барои муҳофизат ва тарғиби мероси таърихию фарҳангӣ ва ба наслҳои оянда расонидани он нақши муҳимро мебозад.
Дар охири маҳфил ба ҳамаи ҳозирин нусхаи китоби “Тоҷикон дар оинаи таърих” ба забони фаронсавӣ тақдим гардид.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста