- Насли кӯҳансоли коммунистони Тоҷикистон, ки муддати 23 соли соҳибистиқлолии кишвар ҳеҷ яке аз сиёсатмадори ҷавону хушзеҳнро ба сиёсати бузург ҳидоят накард, ба ҷудоиандозӣ дар сафҳои Ҳизби коммунисти замоне муттаҳид боис мегардад», - чунин ибрози андеша намуд ба «Азия-Плюс» Ҳикматулло Насриддинов, собиқ котиби Кумитаи марказии Ҳизби коммунисти ҶШС Тоҷикистон дар замони шӯравӣ, ки ба масоили комплекси агросаноатӣ масъул буд.
«Имрӯз миёни сиёсатмадорони ҷавон бисёр афроде ҳастанд, ки дар баробари коммунистон ҷонибдори адолати иҷтимоӣ, дастрасӣ ба маълумот ва тандурустианд, вале дар сафҳои ҲКТ онҳо минбаъд ба зинаҳои болоии мансаби сиёсӣ расиданро намебинанд, зеро раҳбарияти ҳизб танҳо фикри онро дорад, ки чӣ гуна тариқи ҲКТ дар парлумон соҳиби курсӣ шаваду аз арсаи сиёсат канор наравад», - қайд кард Насриддинов.
Ба андешаи ӯ, чунин сиёсати «кӯҳансолон»-и ҲКТ ба он оварда расонид, ки имрӯз дар бораи ҳизб, таърих, доҳӣ ва пешвоёни он насли наврасу ҷавонон қариб чизе намедонанд.
Ёдрас мекунем, ки дар арафаи интихоботи парлумонии моҳи феврал дар ҷумҳурӣ дар сафҳои Ҳизби коммунисти Тоҷикистон ҷудоиандозӣ ба мушоҳида мерасад. Қаблан котиби ҲКТ, вакили палатаи поёнии парлумон Исмоил Талбаков дар робита ба ин масъала изҳор намуда буд, ки мансаби котиби бахши Кумита дар вилояти Суғдро Абдуҷаббор Аҳмедов худсарона ишғол намудааст , ки тайи 5-6 соли ахир ба Ҳизби коммунисти Тоҷикистон ҳеҷ муносибате надорад.
Ҳикматулло Насриддинов арбоби ҳизбӣ ва давлатии Тоҷикистон, солҳои 80-уми асри гузашта – вазири мелиоратсия ва хоҷагии оби ҷумҳурӣ, котиби КМ Ҳизби коммунисти Тоҷикистон, узви Шӯрои олии кишвар, раиси Кумитаи Шӯрои олии ҶТ оид ба масоили комплекси агросаноатӣ ва озуқавории ҶТ, вакили Шӯрои олии Тоҷикистон, даъватҳои 9, 10, 11 ва 12-ум. Мудири шуъбаи комплекси агросаноатии дастгоҳи президенти ҶТ.
Соли 1999 раиси Ҳизби аграрии Тоҷикистон. Моҳи марти соли 1999 Вазорати адлияи ҶТ нисбати ӯ аз рӯйи далели тақаллубкорӣ дар масъалаи шумораи аъзои ҳизб парвандаи ҷиноӣ боз кард. Бо қарори Вазорати адлия фаъолияти ҳизб муддати ним сол боздошта шуд. Моҳи сентябрисоли 199 бошад, Суди олӣ барои иштироки ғайриқонунӣ дар кори Шӯрои машваратии аҳзоби сиёсӣ дар муддати амали ин қарор, фаъолияти ҳизбро умуман манъ кард.
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Кулли ахбор
Авторизуйтесь, пожалуйста