Дар Конфронси дуюми вазирони “Италия - Осиёи Марказӣ” дар қолаби С5+1 рӯзи 8 декабр дар Тошканд вазири корҳои хориҷии Ӯзбекистон Абдулазиз Комилов аз ҷомеаи ҷаҳонӣ даъват намуд, ки таҳримҳо нисбати Афғонистон бекор ва дороиҳои бандшудаи ин кишвар дар бонкҳои байнулмилалӣ раҳо карда шаванд.
Дар ҳамин ҳол, ӯ зикр кард, ки мардуми Афғонистон дар ҳолати ниҳоят душвор қарор дошта, вазъияти башардӯстона дар кишвар ба фалокат наздик аст.
“Мо метавонем ба халқи афғон пурсамар ёрӣ расонем. Барои пешгирии фалокати башардӯстона ба Афғонистон долони башардӯстона боз кардан лозим аст. Ҳамчунин аз ҷомеаи ҷаҳонӣ даъват менамоем, ки барои лағви таҳримҳо, озод кардани дороиҳои байналмилалии Афғонистон ва мусоидат ба барқарорсозии низоми бонкии ин кишвар чораҳо андешида шаванд”, - иброз доштааст Комилов.
Ӯ таъкид доштааст, ки "Ӯзбекистон ва Афғонистонро риштаҳои дӯстии чандинасра, таърихи муштарак, дин, урфу одат ва анъанаҳо мепайвандад".
«Дар ин кишвар ҳукумат нав шуд, ҳукумати муваққатӣ таҳти сарварии ҳаракати “Толибон”, ки мехоҳад аз ҷониби ҷомеаи ҷаҳонӣ эътироф шавад. Мо чунин мешуморем, ки дар воқеиятҳои кунунӣ бо мақомоти нави Афғонистон муколамаи созанда лозим аст. Аз ин рӯ, Ӯзбекистон аз аввалинҳо шуда таъсиси ҳукумати муваққатии Афғонистонро бо умеди фаъолияти муваффақонаи он ба нафъи ҷомеаи сермиллати Афғонистон истиқбол кард”, - гуфтааст Комилов.
Ӯ ҳамчунин таъкид доштааст, ки масъалаи калидӣ таҳияи стратегияи баъдиҷангии Афғонистон мебошад.
“Ҷалби бештари Афғонистон дар равандҳои ҳамгироии минтақавии иқтисодӣ, инчунин татбиқи лоиҳаҳои иқтисодию иҷтимоии кишвар бояд афзалият боқӣ монад. Дар баробари ин, умедвор ва интизорем, ки хукуматдорони нави Афғонистон ваъда ва уҳдадорихои байналмилалии худро иҷро мекунанд”.
Баъди Кобулро зери назорат гирифтани толибон, бонкҳои ғарбӣ бо дастури Амрико дороиҳои хориҷии Афғонистонро баста, Хазинаи байнулмилалии асъор, Бонки ҷаҳонӣ ва Иттиҳоди Аврупо маблағгузории лоиҳаҳоро мутаваққиф карданд.
Тибқи маълумоти хабаргузории РИА Новости, он замон дороиҳои Бонки давлатии Афғонистон 9 млрд доллар бо асъори хориҷиро ташкил дода, зиёда аз 7 млрд доллар дар бонкҳои ИМА маҳфуз буданд.
Тоҷикистонро дар ин вохӯрӣ вазири корҳои хориҷии ҷумҳурӣ Сироҷиддин Муҳриддин намояндагӣ кард.
Бино ба маълумоти ВКХ Тоҷикистон, дар баробари вазъи мушкили Афғонистон, дар конфронс инчунин масоили вобаста ба хатару чолишҳои замони муассир, мавзӯъҳои мубрами ҳамкориҳои минтақавӣ дар самти иқтисодӣ ва тандурустӣ, инчунин дурнамои рушди ҳамкориҳои илмӣ миёни Италия ва Осиёи Марказӣ матраҳ шуданд.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
Кулли ахбор
Авторизуйтесь, пожалуйста