Эмомалӣ Раҳмон, раисҷумҳури Тоҷикистон бо Муҳаммад Боқирӣ, раиси Ситоди кулли Неруҳои мусаллаҳи Эрон мулоқот кардааст. Дар ин бора Дафтари матбуоти раисҷумҳури Тоҷикистон хабар медиҳад.
Муҳаммад Боқирӣ ду рӯз аст, ки дар Тоҷикистон қарор дорад ва диду боздидҳое бо мақомҳои Тоҷикистон, аз ҷумла Шералӣ Мирзо, вазири дифоъ ва Саймумин Ятимов, раиси Кумитаи давлатии амнияти миллии Тоҷикистон доштааст.
Бино ба иттилои дафтари матбуоти раисҷумҳур, дар мулоқот "доираи васеи масъалаҳои равобити Тоҷикистону Эрон, бахусус дар соҳаҳои амниятӣ ва низомии техникӣ мавриди баррасӣ қарор дода шуд".
"Ҷонибҳо зарурати таҳкими ҳамкориҳоро дар мубориза бар зидди таҳдиду хатарҳои муосир, ба монанди терроризм, ифротгароӣ, гардиши ғайриқонунии маводи мухаддир ва дигар зуҳуроти ҷинояткории муташаккили фаромиллӣ таъкид намуданд",- омадааст дар хабарномаи сати раисҷумҳур.
Имрӯз бино ба иттилои расонаҳои эронӣ дар Тоҷикистон бо ҳузури Муҳаммад Боқирӣ ва Шералӣ Мирзо корхонаи истеҳсоли паҳпод ё тайёраҳои бесарнишини эронии Абобил II ифтитоҳ шуд. Ин корхона бо пуштибонии Ҷумҳурии исломии Эрон ба кор оғоз кард.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста