Дар шаш моҳи соли равон Тоҷикистон ба шаҳрвандони Афғонистон 85 раводид додааст. Бештари онҳо донишҷӯён ва онҳое будаанд, ки бо шаҳрвандони Тоҷикистон оиладор шудаанд.
Сироҷиддин Муҳриддин, вазири корҳои хориҷии Тоҷикистон дар нишасти матбуотии ин ниҳод имрӯз, 15-уми август, гуфт, Тоҷикистон додани раводидро ба шаҳрвандони Афғонистон, махсусан донишҷӯён қатъ накардааст.
Вале авзуд, ин раванд тартиб ва муқарароти қонунии худро дорад, масалан, раводид барои донишҷӯёни афғон дар асоси дархости муассисаҳои таҳсилотии Тоҷикистон дода мешавад.
“Мо ҳамеша сайъ мекунем, ки шароити мусоид барои таҳсили шаҳрвандони хориҷӣ, аз ҷумла шаҳрвадони Афғонистон дар Тоҷикистон фароҳам бошад”, - гуфт Сироҷиддин Муҳриддин.
Ӯ афзуд, дар баробари ин, ба даҳҳо шаҳрванди Афғонистон, ки дар хориҷи кишвар буданду барои эҳтиёҷот ба Тоҷикистон омаданд, раводид дода шуд.
“Статус”-и сафорат ва консулгарии Афғонистон: бояд аввал ҳукумат аз ҷониби ҷомеаи ҷаҳонӣ эътироф шавад.
Зимнан, Сироҷиддин Муҳриддин дар мавриди “статус”-и сафорати ҳукумати пешини Афғонистон дар Тоҷикистон ва консулгарии ин кишвар дар Хоруғ гуфт, намояндагиҳои дипломатӣ ва консулгарии ҳамаи кишварҳоро дар асоси уҳдадориҳои Тоҷикистон дар чаҳорчӯби созмонҳои байналмилалӣ ба роҳ мемонанд, ки дар асоси он намояндагиҳои дипломатӣ ва консулгарии кишварҳои хориҷие ба қайд гирифта мешаванд, ки он кишвар аз ҷониби ҷомеаи ҷаҳонӣ бояд эътироф шуда бошад.
Сафорати Афғонистон дар Тоҷикистон ягона ниҳоди дипломатии ҳукумати пешини Афғонистон аст, ки фаъол аст ва бо баргузории ҳамоишҳои мухталиф аз амалкарди Толибон* дар ин кишвар интиқод мекунанд.
Ҳамчунин, дар Хоруғ консулгарии Афғонистон фаъол аст, ки зимистони соли гузашта зери тарма монд. Баъдан, бархе расонаҳои Афғонистон хабар доданд, ки намояндагони ҳукумати Толибон аз ин консулгарӣ дидан карданд ва бо мақомоти Тоҷикистон вохӯрданд. Тоҷикистон то ҳол ин хабарро тасдиқ ё рад накардааст.
Ёдовар мешавем, ки ду соли қабл, 15-уми августи соли 2021, гурӯҳи Толибон қудрат дар Афғонистонро ғасб карданд. Бо гузашти ду сол ҳукумати ин гурӯҳ то ба ҳол аз сӯи ҳеҷ кишвар ба расмият шинохта нашудааст.
Тоҷикистон аз камтарин ҳамсояҳои Афғонистон аст, ки ҳукумати Толибонро интиқод мекунад ва хостори ҳукумати ҳамашумул дар ин кишвар аст.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - Афғонистон бихонед.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста