Душанбе. 1-уми июн. «Азия-Плюс» — | Дар Тоҷикистон мақомоти олии давлатӣ дар соҳаи назорати молиявӣ таъсис дода мешавад.
Имрӯз вакилони палати поёнии парлумони кишвар Қонуни ҶТ «Дар бораи Палатаи ҳисоб»-ро якдилона маъқул шумориданд. Зимни суханронӣ дар назди вакилон дар робита ба ин масъала муовини вазири молияи ҷумҳурӣ Ҷамшед Норинов изҳор дошт, ки пас аз мавриди амал қарор гирифтани қонуни мазкур, дар Тоҷикистон мақомоти нави ҳокимиятӣ таъсис дода хоҳад шуд, ки аз болои қисмати даромаду хароҷоти буҷаи давлатӣ, воситаҳои ғайрибуҷавӣ ва ҳамчунин маблағҳои аз хориҷи кишвар ба иқтисоди миллӣ сармоягузоришуда назорат хоҳад бурд.
«Ҳадафи аслии таъсиси Палатаи ҳисоб пурзӯр кардани назорат аз болои бахши молия ва ҳамчунин баргузории аудиту баҳодиҳии буҷаи давлатии ҷумҳурӣ аст», - гуфт ӯ.
Зимни посух ба суоли раиси палатаи поёнии парлумон Шукурҷон Зуҳуров бобати имкони такрори вазифаҳои Агентии назорати давлатии молиявӣ ва мубориза бо коррупсия аз ҷониби Палатаи мазкур, муовини вазири молия зикр кард, ки пас аз таъсиси Палатаи ҳисоб чанде аз ваколатҳои Агентии зиддифасод ба дӯши мақомоти нав вогузор хоҳад шуд.
Ҳамчунин раиси Маҷлиси намояндагони Маҷлиси Олии ҷумҳурӣ Шукурҷон Зуҳуров дар робита ба ин масъала изҳор дошт, ки Палати ҳисоб дар назди сарвари давлат ва парлумони кишвар ҳисоботдеҳ хоҳад буд. «Сараудиторони Палатаи ҳисоб бо пешниҳоди президент аз ҷониби палатаи поёнии парлумони кишвар ба муддати ҳафт сол таъин карда мешаванд ва як нафар ба таъин шудан ба вазифаи сараудитор ба муддати зиёда аз ду мӯҳлат ҳуқуқ надорад», - афзуд Шукурҷон Зуҳуров.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста