Сокини ноҳияи Исфара ба нишони эътироз ба ҳукми содирнамуда ба рӯи судя кислота пошид.
Тавре ба ОИ «Азия-Плюс» адвокат аз вилояти Суғд Файзинисо Воҳидова хабар дод, рӯзи шанбеи 21-уми июл сокини маҳаллӣ Зайнобуддин Ҷӯраев ба кабинети судя Абдуҳамид Давронов ворид шуда, ба рӯи ӯ ксилота пошидааст. З.Ҷӯраев яке аз иштирокчиёни парвандаи ҷиноие будааст, ки баррасии он таҳти раёсати судяи мазкур доир гардидааст.
«Судя ҷароҳатҳои сӯхтаи вазнин бардошта, айни замон табибон барои ҳаёти ӯ мубориза мебаранд. Айни замон маълум шудааст, ки як чашми судя нобино гардидааст», - иттилоъ дод адвокат Ф.Воҳидова.
Тавре ба ОИ «Азия-Плюс» раиси суди шаҳри Исфара Алиҷон Маҳмудов хабар дод, 27%- рӯй ва дигар узвҳои судя ҷароҳатҳои сӯхта бардоштааст.
Ба қавли Ф.Воҳидова, З.Ҷӯраев муддати солҳои зиёдест, ки аз рӯйи масъалаи амволӣ дар суди Исфара баҳс дорад. Соли 2003 суди ноҳияи Исфара оид ба манзили зисти аз падараш боқимонда ба манфиати З.Ҷӯраев ҳукм содир намуд. Вале соли равон яке аз хешовандони Ҷӯраев, ки ӯ низ ба ин амвол ҳақталабӣ дорад, дубора даъво пеш оварда, ин дафъа суд ба манфиати даъвогари нав ҳукм содир кард.
Дар ҳамин ҳол, Воҳидова зикр кард, ки айни замон Ҷӯраев боздошт шуда, нисбат ба ӯ мутобиқи моддаи 356-и КҶ ҶТ (Таҳдид ё зуроварӣ вобаста ба амалбарории адолати судӣ ё таҳқиқи ибтидоӣ ё тафтишоти пешакӣ) парвандаи ҷиноӣ боз гардидааст.
Ӯ иброз дошт, ки ин амал нишони эътироз ба низоми судӣ аст. «Аҳолӣ аллакай ҳама гуна сабру таҳаммулро аз даст дода, ба адолати судӣ эътимод надорад, аз ин рӯ, одамон ба чунин амалҳо даст мезананд. Ин нишони эътирози аҳолӣ ба тамоми низоми судии Тоҷикистон аст», - чунин мешуморад Воҳидова.
Ин нахустин ҳодиса дар Тоҷикистон аст, ки иштирокчии мурофиаи судӣ бо чунин амал норозигии худ ба ҳукми содиршударо баён менамояд.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста