Нерӯҳои ҳукуматӣ ба сӯи иштирокчиёни гирдиҳамоӣ дар Хоруғ, ки субҳи имрӯз дар робита ба қатли пешвои ғайрирасмии Бадахшон Имомназар Имомназаров назди бинои ҳукумати вилоят ҷамъ омада буданд, тир кушоданд . Ба иттилои хабарнигори ОИ «Азия-Плюс» ду тан аз тазоҳургарон захмӣ шудаанд.
Субҳи имрӯз ҳудуди садҳо нафар ҷавонон, ки дар маросими ба хок супурдани Имомназар Имомназаров ҳузур доштанд, назди бинои ҳукумати вилоят гирдиҳам омаданд. «Аз издиҳом ба суӣ бино сангафканӣ оғоз гардид. Дар посух тирапрронӣ сурат гирифта, дар натиҷа ду тан аз тазоҳургарон аз пояшон захмӣ шуданд», - гуфт хабарнигори ОИ «Азия-Плюс».
Баъди чанде сокинони Хоруғ дар назди бинои ҳукумати шаҳр ҷамъ омаданд. Ба андешаи коршиносони маҳаллӣ, шумори тазоҳургарон якчанд ҳазор нафарро ташкил медод. Тазоҳургарон ҳукуматдоронро ба даст доштан дар куштори И.Имомназаров ва ҳамчунин риоя накардани шартҳои ҳосилшуда дар гуфтушунид оид ба халъи силоҳ ва хурӯҷи нерӯҳои низомӣ айбдор намуданд.
Ёдрас мекунем, ки тақрибан соати 4-и субҳи имрӯз яке аз пешвоёни ғайрирасмии Бадахшон Имомназар Имомназаров дар манзили зисташ бо партоби норинҷак ва тирпарронӣ аз автомат кушта шуд. Имомназаров дар ҷойи ҳодиса ба ҳалокат расида, бародараш захмӣ ва ба шифохона мунтақил гардид.
И.Имомназаров муддати 20 сол аст, ки маъюби гурӯҳи аввал буда, мустақилона роҳ рафтан барояш ғайриимкон буд.
Прокуратураи генералии Тоҷикистон Имомназар Имомназаровро дар қатори боз се нафар пешвоёни ғайрирасмии Бадахшон – Толиб Айёмбеков, Ёдгор Мамадасламов ва Муҳаммадбоқир Муҳаммадбоқиров ба қочоқи маводи мухаддир, сангҳои қиматбаҳо, хариду фурӯши одамон, ташкили гурӯҳҳои ғайриқонунии мусаллаҳ, гаравгонгирӣ ва саркашӣ аз пардохти қарзҳои бонкӣ муттаҳам намуд.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Кулли ахбор
Авторизуйтесь, пожалуйста